November 2, 2016 
தண்டோரா குழு
தஞ்சை, அரவக்குறிச்சி, திருப்பரங்குன்றம் ஆகிய 3 தொகுதிகளில் நடைபெறும் தேர்தலுக்கான வேட்புமனு தாக்கல் புதன்கிழமை (நவம்பர் 2) நிறைவடைந்தது. 139 பேர் வேட்பு மனு தாக்கல் செய்துள்ளனர் என தேர்தல் ஆணையம் தெரிவித்துள்ளது.
தமிழகத்தில் தஞ்சை, அரவக்குறிச்சி, திருப்பரங்குன்றம் ஆகிய 3 தொகுதிகளுக்கான தேர்தல் வருகிற 19-ந் தேதி நடக்கிறது. இதற்கான வேட்பு மனு தாக்கல் கடந்த 26-ந் தேதி தொடங்கியது.
இந்த 3 தொகுதிகளிலும் 5 முனைப்போட்டி ஏற்பட்டுள்ளது. அ.தி.மு.க. , தி.மு.க., பா.ஜ. க., பா.ம.க., தே.மு.தி.க. வேட்பாளர்கள் போட்டியிடுகின்றனர். இந்நிலையில் வேட்பு மனு தாக்கல் செய்ய நவம்பர் 2 கடைசி நாளாகும். புதன்கிழமை மதியம் 3 மணி வரை வேட்பு மனு தாக்கல் செய்யலாம்.
வேட்பு மனுக்கள் வியாழக்கிழமை (நவம்பர் 3) பரிசீலனை செய்யப்படுகின்றன. மனுக்களை வாபஸ் வாங்க 5-ந் தேதி கடைசி நாளாகும். அப்போது, வேட்பாளர்களுக்கான சின்னம் ஒதுக்கீடு செய்யப்படுவதுடன், இறுதி வேட்பாளர் பட்டியலும் வெளியிடப்படும்.
நவம்பர் 19-ந் தேதி வாக்குப்பதிவு நடைபெறுகிறது. 22-ம் தேதி ஓட்டுகள் எண்ணப்படுகின்றன. அன்று மதியம் முடிவுகள் வெளியாகும்.இதனிடையே வேட்பு மனு தாக்கல் செய்வதற்கு இறுதிநாளான புதன்கிழமை 139 பேர் வேட்புமனுக்களைத் தாக்கல் செய்துள்ளனர் என்று தேர்தல் ஆணையம் தெரிவித்தது.
கோவையில் நடைபெற்ற 4வது தேசிய பாரா த்ரோபால் சாம்பியன்ஷிப் போட்டி ஆந்திர அணி வெற்றி
மனித மூளைக்கும் கணினி மூளைக்கும் இடையேதான் வருங்காலத்தில் போட்டி இருக்கும் – நீயா நானா கோபிநாத் பேச்சு
மூளை அறுவை சிகிச்சைக்கு பிறகு மோட்டார் சைக்கிளில் கைலாய யாத்திரை; யோக விஞ்ஞானத்தின் சக்தியை காட்டுகிறது – சத்குரு
வாரணாசி, பாட்னா, மானேசர், ராஞ்சி, காஜியாபாத், ஆக்ரா மற்றும் அகர்தலா உட்பட நாடு முழுவதும் பிளிப்கார்ட்டின் விநியோகச் சங்கிலி தடம் விரிவாக்கம்
ஆசிரியர் தினத்தை கொண்டாடும் வகையில் மாதம் முழுவதும் ஆசிரியர்களுக்கும், கல்வியாளர்களுக்கும் பிரத்தியேக சலுகைகள் ஜி ஸ்கொயர், அறிவிப்பு
கோவை காளப்பட்டி பகுதியில் அடிசியா நிறுவனம் சார்பில் ஜல்லிகட்டு காளை சிலை திறப்பு
For English News
