September 13, 2019 
தண்டோரா குழு
செயற்கை நீர் வீழ்ச்சி,மலை,யோகா பயிற்சி மையம், கண்கவர் ஓவியங்கள் உள்ளிட்ட சிறப்பு அம்சங்களுடன் வெளிநாட்டுப் பூங்காவை போல கோவை காந்தி பூங்கா அட்டகாசமாக காட்சியளிக்கிறது.
கோவை மாநகராட்சி, மேற்கு மண்டலம் 24 ஆவது வார்டில் உள்ள காந்தி பூங்கா, மாநகரில் வசிக்கும் மக்களுக்கு சிறந்த பொழுதுபோக்கு அம்சமாக விளங்கி வருகிறது. 1 ஏக்கர் பரப்பளவு கொண்ட இந்தப் பூங்காவில் காலை, மாலை நேரங்களில் குவியும் மக்கள், அங்குள்ள விளையாட்டு உபகரணங்களில் தங்கள் குழந்தைகளை விளையாட வைத்தும், நடைப் பயிற்சி மேற்கொண்டும் வந்தனர்.
இந்நிலையில், பூங்காவில் புல் தரை, விளையாட்டு கருவிகள், தளம் ஆகியவை சேதமடைந்ததால் கடந்த சில மாதங்களாக சீரமைப்புப் பணிகள் வேகமாக மேற்கொள்ளப்பட்டு வந்தன. 3.25 கோடி ரூபாய் நிதி ஒதுக்கீட்டில் செய்யப்பட்ட இப்பணிகள் நிறைவு பெற்று வரும் ஞாயிற்றுக்கிழமை தமிழக உள்ளாட்சி மற்றும் சிறப்பு திட்டங்கள் செயலாக்க துறை அமைச்சர் வேலுமணி திறந்து வைக்க உள்ளார். தற்போது வெளிநாட்டு பூங்காக்களை போல காட்சி தரும் இந்த பூங்காவில்,மக்களைக் கவரும் விதமாக செயற்கை நீரூற்று, மலை, நுழைவாயிலிருந்து தொடங்கி பூங்கா முழுவதும் புல்தரை, நடைப்பயிற்சித் தளம்,மக்கள் இளைப்பாற குடில், நீரூற்றுக்கு இடையே நடைப்பாலம், யோகா பயிற்சி மையம்,சிறுவர்களைக் கவரும் விதமாக தூரி, சறுக்கு உள்ளிட்ட விளையாட்டு உபகரணங்கள் மேலும், பூந்தோட்டம், அலங்கார வளைவுகள், சுவரோவியங்கள் ஆகியவை அமைக்கப்பட்டு அசத்தலாக காட்சி தருகிறது.
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
For English News
