January 11, 2017 
தண்டோரா குழு
ராணுவத்தினருக்காக அனுப்பப்படும் உணவுப் பண்டங்கள், எரிபொருள் ஆகியவற்றை, ராணுவ அதிகாரிகள் பொதுமக்ககளிடம் பாதி விலைக்கு விற்கிறார்கள் என்று எல்லைப் பகுதியில் வசிக்கும் மக்கள் தகவல் தெரிவித்தனர்.
எல்லைப் பாதுகாப்பு படையின் 29வது படைப் பிரிவை சேர்ந்த ஜவான் தேஜ் பஹதூர் யாதவ் எல்லைப் பகுதியில் இருக்கும் பாதுகாப்பு வீரர்களுக்கு மோசமான உணவு வழங்கப்படுகின்றன என்று புகார் கூறி, வாட்ஸ் அப் காட்சியைப் பரப்பிவிட்டார். அதில், “சில வேளைகளில் வெறும் வயிற்றோடும் படுக்கச் செல்கிறோம்” என்றும் வேதனையுடன் குறிப்பிட்டார். அவரது தகவல் சமூகவலைதளங்கள் மூலம் நாடு முழுவதும் பரவிவிட்டது.
இந்நிலையில், ஸ்ரீநகர் விமான நிலையத்திற்கு அருகில் இருக்கும் ஹம்ஹமா எல்லைப் பகுதியில் ராணுவ அதிகாரிகள் இப்படி பெட்ரோல், டீசல் மற்றும் உணவுப் பொருட்களை அருகில் உள்ள கடைகளுக்கு விற்பனை செய்கிறார்கள் என்று பொதுமக்களும் ராணுவ வீரர்களும் குற்றம் சாட்டினர். அவற்றை வாங்குவதால் கடைக்காரர்களுக்கு நல்ல லாபம் கிடைக்கிறது என்று அவர்கள் கூறினர்.
பெயர் வெளியிட விரும்பாத ராணுவ வீரர் கூறுகையில், “காய்கறிகள், பருப்பு போன்றவை ராணுவ முகாமுக்கு வெளியே குறைந்த விலையில் விற்கப்படுவதால் எங்களுக்குக் கிடைக்க வேண்டிய சலுகைகள் பறிக்கப்படுகின்றன. நாங்கள் அன்றாடம் பயன்படுத்தும் பொருள்கள் கூட எங்களுக்கு வழங்கப்படுவதில்லை. முகாமுக்கு வெளியே உள்ள அதிகாரிகளின் முகவர்களுக்கு விற்கபடுகின்றன” என்றார்.
சிவில் ஒப்பந்ததாரர் ஒருவர், “ஹம்ஹமா எல்லைப் பகுதியில் உள்ள அதிகாரிகளிடம் இருந்து பெட்ரோல், எல்லைப் பகுதி அதிகாரிகளிடமிருந்து மளிகைப் பொருட்கள் ஆகியவை மிகவும் மலிவான விலைக்குக் கிடைக்கின்றன” என்கிறார்.
ஆனால், மத்திய ரிசர்வ் போலீஸ் படை (சிஆர்பிஎப்) சட்டம் ஒழுங்குப் பிரிவைச் சேர்ந்த வீரர் ஒருவர், “எங்களுக்குத் தரமான உணவு கிடைக்கிறது. உரிய வசதிகளும் தரப்படுகின்றன. இத்தகவல் சரி என்று தெரியவில்லை” என்றார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
