September 2, 2021 
தண்டோரா குழு
விநாயகர் சதுர்த்தியன்று ஜெபயாத்திரை நடத்த வேண்டும் என்ற பிரசுரத்தை விநியோகித்த பாதிரியார் கைது
கோவை தடாகம் சாலையில் உள்ள செயிண்ட் பால் பள்ளி, மற்றும் கலை அறிவியல் கல்லூரியை நடத்தி வருபவரான டேவிட் “விநாயகர் சதுர்த்தி அன்று ஜெபயாத்திரை நடத்த வேண்டும்” என்பது போன்ற பிரசுரங்களை விநியோகம் செய்ததாக கூறப்படுகிறது. அந்த பிரசுரம் பள்ளி நிர்வாக லெட்டர் பேடில் அச்சிடப்பட்டிருந்த நிலையில் இது மத கலவரத்தை தூண்டுவது போன்றுள்ளது என தெரிவித்த இந்து முன்னனி அமைப்பினர் நேற்று துடியலூர் காவல் நிலையத்தில் டேவிட்டை கைது செய்ய வேண்டும் என புகார் அளித்திருந்தனர்.
இப்புகாரின் அடிப்படையில் செயிண்ட் பால் கல்வி நிறுவன சேர்மேனான டேவிட்டை துடியலூர் காவல் துறையினர் 3 பிரிவுகளில் வழக்குப்பதிவு செய்து கைது செய்தனர். இதையடுத்து, கோவை குற்றவியல் நடுவர் நீதிமன்றத்தில் ஆஜர்படுத்தப்பட்ட டேவிட்டுக்கு 15 நாட்கள் நீதிமன்ற காவலில் வைக்க நீதிபதி உத்தரவிட்டார்.
For English News
