December 19, 2022 
தண்டோரா குழு
தளபதி விஜய் மக்கள் இயக்கம் கோவை மாவட்ட மாணவரணி சார்பாக நடைபெற்ற மத நல்லிணக்க கிறிஸ்துமஸ் விழாவில், கேக் வெட்டி புத்தாடைகள்,கல்வி உபகரணங்கள் உள்ளிட்ட நலத்திட்ட உதவிகள் வழங்கப்பட்டது.
தளபதி மக்கள் இயக்கம் கோவை மாவட்ட மாணவரணி சார்பாக விஜய் மக்கள் இயக்கத்தின் தேசிய செயலாளர் புஸ்ஸி ஆனந்த் ஆலோசணையின் படி ஒவ்வொரு ஆண்டும் தீபாவளி,ரம்ஜான்,பொங்கல்,கிறிஸ்துமஸ் என ஒவ்வொரு பண்டிகை கால நேரங்களில் பல்வேறு நலத்திட்ட உதவிகளை தொடர்ந்து செய்து வருகின்றனர். இந்நிலையில் இந்த ஆண்டு கிறிஸ்துமஸ் விழா மத நல்லிணக்க கிறிஸ்துமஸ் விழாவாக கொண்டாடப்பட்டது.
விஜய் மக்கள் இயக்க கோவை மாவட்ட மாணவரணி தலைவர் பாபு தலைமையில் நடைபெற்ற விழாவில்,மாவட்ட தொண்டரணி தலைவர் விக்கி கலந்து கொண்டு புத்தாடைகள், மாணவ,மாணவிகளுக்கு கல்வி உபகரணங்கள் உள்ளிட்ட நலத்திட்ட உதவிகளை வழங்கினர்..நிகழ்ச்சியில் முன்னதாக கேக் வெட்டி அனைவரும் இணைந்து கிறிஸ்தவ பாடல்களை பாடினர்.
இந்நிகழ்ச்சியில்,மாவட்ட பொருளாளர் இரத்தினபுரி ராஜா மாவட்ட பொறுப்பாளர் பஷீர் மாவட்ட துணை தலைவர் மாரிராஜ் துணைச்செயலாளர் ஆஷிக்முகமது இணை செயலாளர் சதீஷ்குமார் இணைச்செயலாளர் அருண் குமார் அமைப்பாளர் செந்தில் துணை அமைப்பாளர் சரவணன் ஆலோசகர் ரோஹித் கிரேஸ் மாவட்ட தொண்டரணி பொருளாளர் அருண்பாண்டியன் சுந்தராபுரம் பரத் உட்பட பலர் கலந்து கொண்டனர்.
For English News
