December 24, 2018 
தண்டோரா குழு
முன்னாள் பிரதமர் வாஜ்பாயின் உருவம் பொறித்த நூறு ரூபாய் நாணயத்தை பிரதமர் மோடி வெளியிட்டுள்ளார்.
முன்னாள் பிரதமர் வாஜ்பாயின் பிறந்த நாளை சிறந்த நிர்வாக தினமாக கொண்டாடப் படவுள்ளது.இதனை முன்னிட்டு வாஜ்பாய் உருவம் பொறித்த 100 ரூபாய் நாணயம் வெளியிடப்படும் என மத்திய அரசு ஏற்கனவே அறிவித்திருந்தது.
இந்நிலையில், முன்னாள் பிரதமர் அடல் பிஹாரி வாஜ்பாய் உருவம் பொறித்த ரூபாய் 100 நாணயம் இன்று வெளியிடப்பட்டது. டெல்லியில் நடைபெற்ற விழாவில் நாணயத்தை பிரதமர் நரேந்திர மோடி வெளியிட்டார். இந்த விழாவில் பா.ஜ.க. தலைவர் அமித்ஷா, நிதியமைச்சர் அருண்ஜேட்லி மற்றும் எல்.கே. அத்வானி உள்ளிட்டோர் கலந்துகொண்டனர்.
இந்த 100 ரூபாய் நாணயத்தின் ஒரு பக்கத்தில் வாஜ்பாய் உருவமும், அதற்கு கீழ் அவரது பெயர் தேவநகரி மற்றும் ஆங்கிலத்தில் இடம் பெற்றிருக்கும் என்றும் குறிப்பிடப்பட்டுள்ளது.
For English News
