April 6, 2023 
தண்டோரா குழு
கோவை மாவட்டம் மேட்டுப்பாளையம் உட்கோட்டம் அன்னூர் காவல் நிலைய எல்லைக்குட்பட்ட பகுதியில் கடந்த 2020 ஆம் ஆண்டு பெண்ணிடம் தங்கச்சங்கிலியை வழிப்பறி செய்த குற்றத்திற்காக சூலூர் பகுதியை சேர்ந்த வெங்கடேஷ் (30) கைது செய்யப்பட்டு சிறையில் அடைக்கப்பட்டார்.
இவ்வழக்கு விசாரணை கோவை மாவட்டம் மேட்டுப்பாளையம் சார்பு நீதிமன்றத்தில் நடைபெற்று வந்தது. இவ்வழக்கின் விசாரணை முடிவு பெற்று வெங்கடேஷ்க்கு 7ஆண்டு சிறைதண்டனை மற்றும் ரூ.14,000 அபராதமும் விதித்து நீதிபதி தீர்ப்பு வழங்கினார்.
மேலும் இவ்வழக்கினை சிறந்த முறையில் புலன்விசாரணை மேற்கொண்ட புலன்விசாரணை அதிகாரி மற்றும் சாட்சிகளை நீதிமன்றத்தில் சிறந்த முறையில் ஆஜர் படுத்திய நீதிமன்ற காவலர் ஆகியோர்களை கோவை மாவட்ட காவல் கண்காணிப்பாளர் பத்ரிநாராயணன் வெகுவாக பாராட்டினார்.
For English News
