May 15, 2017 
தண்டோரா குழு
நடிகர் ரஜினிகாந்த் தனது ரசிகர்களிடம் ஊழலை எதிர்ப்பதாக குறிப்பிட்டது பாஜக கருத்து என தமிழிசை சௌந்தரராஜன் தெரிவித்துள்ளார்.
எட்டு ஆண்டுகளுக்கு பின் நடிகர் ரஜினிகாந்த் தனது ரசிகர்களை சென்னை கோடம்பாக்கம் ராகவேந்திரா மண்டபத்தில் இன்று சந்தித்தார். அப்போது பேசிய அவர் அரசியலுக்கு வருவதை ஆண்டவன் தான் முடிவு செய்ய வேண்டும் என்றும், எந்த பொறுப்பு கொடுத்தாலும் நேர்மையாக செயல்படுவேன் என்றும் கூறினார்.
மேலும்,ஒரு விஷயத்தில் தான் ரசிகர்களும், தமிழர்களும் தொடர்ந்து ஏமாந்து வருவதாகவும், அந்த விஷயம் என்ன என்பதை இப்போது கூற முடியாது எனவும் ரஜினிகாந்த் குறிப்பிட்டிருந்தார். இதனால் ரஜினி அரசியலுக்கு வரப்போகிறாரா என்ற பேச்சு இப்போது தமிழகம் முழுவதும் பேசப்பட்டு வருகிறது.
இதற்கிடையில், ரஜினியின் அரசியல் பேச்சு குறித்து தமிழக அரசியல் தலைவர்கள் பல்வேறு கருத்து தெரிவித்து வருகின்றனர்.
அந்தவகையில், சென்னை சைதாப்பேட்டையில் செய்தியாளர்களிடம் பேசிய பாஜக மாநில தலைவர் தமிழிசை சௌந்தரராஜன்,
நடிகர் ரஜினிகாந்த், தனது ரசிகர்களிடம், ஊழலை எதிர்ப்பதாக குறிப்பிட்டது பாஜகவின் கருத்து எனவும், அவரது பேச்சின்மூலம் அவர் அரசியலுக்கு வருவார் என்றே புரிந்து கொள்ள முடிவதாகவும் குறிப்பிட்டுள்ளார்.மேலும் அவர் அரசியலுக்கு வரும் போது நல்ல கட்டமைப்போடும், நல்ல மனிதர்களுடன் வந்தால் அரசியலில் வெற்றி பெறுவார் என்பதே என் கருத்து என தெரிவித்தார்.
அதைபோல், இளைஞர்கள் தவறான பழக்கங்களை கைவிட வேண்டும், பெற்றோர்களை பேண வேண்டும்,ஊழலற்ற தன்மை உருவாக இளைஞர்களின் பங்களிப்பு பற்றி தனது ரசிகர்களுடன் எனது நண்பர் மதிப்பிற்குரிய அறைகூவல் விடுத்திருப்பதை அறிந்து மகிழ்ச்சியடைகிறேன். இதனை ஒருமுன் மாதிரியாக கொண்டு பிற கலைஞர்களும் தங்களைப் பின்பற்றும் ரசிகர்களை நல்வழிப்படுத்த வேண்டுமாய் இச்சந்தர்ப்பத்தில் கேட்டுக்கொள்கிறேன் என மத்திய அமைச்சர் பொன் ராதா கிருஷ்ணன் கூறியுள்ளார்.
கோவையில் மத்திய அரசை கண்டித்து தொழிற்சங்க கூட்டமைப்பு சார்பில் கண்டன ஆர்ப்பாட்டம்
தண்ணீர் கிடைக்காமல் 7 ஆண்டுகளாக தவிக்கும் கோவை எம்.ஜி.ஆர்.நகர் மக்கள் – ஆட்சியரிடம் மனு
ஈஷா லிங்க பைரவியில் ‘பூதசுத்தி விவாஹா’ முறையில் நடைபெற்ற சமந்தா பிரபு, ராஜ் நிடிமொருவின் திருமணம்
கோவை மாநகரில் உள்ள அனைத்து திருச்சபைகள் இணைந்து நடத்திய பல்சமய கிறிஸ்மஸ் இன்னிசை விழா
அரேபியன் வகை உணவுகளான மெல்பான் டெஸ்ஸர்ட் இனிப்பு விற்பனையகம் கோவை போத்தனூரில் துவக்கம்
கோவையின் மையப்பகுதியில் ₹750 கோடி மதிப்பில் அதிநவீன வசதிகளுடன் கூடிய உயர்தர வாழ்க்கைக்கான பிரத்தியேக மனை திட்டம் ’ஜி ஸ்கொயர் தி ரெசிடென்சி’ ஜி ஸ்கொயர் அறிமுகம்
For English News
