January 3, 2017 
தண்டோரா குழு
தாய்லாந்து தேசிய பூங்காவில் முதலையுடன் செல்ஃபி எடுக்க முயன்ற பெண் முதலை கடித்ததில் படுகாயமடைந்தார்.
தாய்லாந்து நாட்டின் தலைநகரான பாங்காக்கில் க்யோ யாய் தேசிய வனவிலங்கு பூங்கா உள்ளது. சுற்றுலாப் பயணிகள் பாங்காக் நகரை சுற்றிப் பார்க்க வரும்போது அந்த பூங்காவைப் பார்க்காமல் செல்வதில்லை. அவ்வாறு பிரான்ஸ் நாட்டை சேர்ந்த ஒரு தம்பதி அங்கு வந்த போது புத்தாண்டு தினத்தன்று இச்சம்பவம் நேர்ந்துள்ளது.
இது குறித்து தேசிய வனவிலங்கு பூங்காவின் அதிகாரி ஒருவர் செய்தியாளர்களிடம் திங்கள்கிழமை (ஜனவரி 2) கூறியதாவது:
பிரான்ஸ் நாட்டை சேர்ந்த 41 வயது பெனெடுலியே லெஸெஃப்லி என்ற பெண் தனது கணவருடன் தேசிய வனவிலங்கு பூங்காவைச் சுற்றிப் பார்த்துக் கொண்டிருந்தார். அப்போது ஒரு முதலை தண்ணீரில் இருந்து வெளியே வந்து கரையில் படுத்திருந்ததைக் கண்டார். அதனுடன் செல்ஃபி எடுக்க விரும்பினார். செல்ஃபி எடுத்ததும் அந்தப் படத்தைக் குடும்பத்தினருடன் பகிர்ந்து கொள்ள வேண்டும் என்று எண்ணினார்.
அந்த முதலையின் அருகில் சென்று செல்ஃபி எடுத்துக் கொண்டிருந்த நேரத்தில் அது திடீரென்று அவருடைய காலைக் கடித்துவிட்டது. 1௦ அங்குல நீளம், 2 அங்குல ஆழத்துக்குப் பலத்த காயம் ஏற்பட்டுள்ளது.
அதைப் பார்த்த அவருடைய கணவர் அதிர்ச்சி அடைந்து, அப்பூங்காவின் மீட்புப் படையினருக்குத் தகவல் கொடுத்துள்ளார். அத்தகவலை கேட்ட அவர்கள் உடனே லெஸெஃப்லியை மீட்டு, முதலுதவி அளித்துள்ளனர். பிறகு அவரை அருகிலிருந்த மருத்துவமனையில் சேர்த்தனர். மருத்துவர்கள் அவருக்குச் சிகிச்சை அளித்து வருகின்றனர்.
இதற்கு முன் இது போன்ற சம்பவம் நடந்ததில்லை.சம்பவம் நடந்த இடத்தில் முதலைகளின் நடமாட்டம் குறித்து எச்சரிக்கைப் பலகைகள் வைக்கப்பட்டுள்ளன. அதை அலட்சியப்படுத்தி, செல்ஃபி மோகத்தால் அந்தப் பெண்ணுக்கு இந்த அசம்பாவிதம் நடந்துள்ளது.
இவ்வாறு அவர் தெரிவித்தார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
