December 24, 2021 
தண்டோரா குழு
கோவை மாநகராட்சிப் பகுதிகளில் திட்டப் பணிகளை விரைவில் முடிக்க வேண்டும் என நகராட்சி நிர்வாக இயக்குநர் பா.பொன்னையா உத்தரவிட்டுள்ளார்.
கோவை மாநகராட்சியில் ரூ.591.14 கோடி மதிப்பீட்டில் குறிச்சி, குனியமுத்தூர் பகுதிகளில் பாதாளச் சாக்கடைத் திட்டப் பணிகள், 87 ஆவது வார்டு முதல் 100ஆவது வார்டுகள் வரை தற்போது நடைபெற்று வருகின்றன.
இப்பணிகளை, நகராட்சி நிர்வாக இயக்குநர் பா.பொன்னையா அன்மையில் பார்வையிட்டு ஆய்வு மேற்கொண்டார்.மாநகராட்சி ஆணையர் ராஜகோபால் சுன்கரா முன்னிலை வகித்தார். அப்போது, தற்சமயம் பாதாளச் சாக்கடைத் திட்டப் பணிகள் மேற்கொள்ளப்பட்டு வரும் அற்புதம் நகர், ஸ்ரீராம் நகர் உள்ளிட்ட பகுதிகளில் 2,500
குடியிருப்புகளுக்கு இணைப்புகள் வழங்கிட துரித நடவடிக்கை மேற்கொள்ள வேண்டும் என நகராட்சி நிர்வாக இயக்குநர் பா.பொன்னையா மாநகராட்சி அலுவலர்களுக்கு அறிவுறுத்தினார்.
மேலும், பாதாளச் சாக்கடைத் திட்டப் பணிகளை விரைவாகவும், தரமாகவும் மேற்கொண்டு ஒப்பந்த காலத்துக்குள் மக்கள் பயன்பாட்டுக்கு கொண்டு வர வேண்டும் என்றும் உத்தரவிட்டார். அதனைத் தொடர்ந்து, ரூ.168 கோடி மதிப்பீட்டில் நடைபெற்று வரும் வெள்ளலூர் ஒருங்கிணைந்த பேருந்து நிலைய கட்டுமானப் பணிகளை நேரில் பார்வையிட்டு ஆய்வு மேற்கொண்டார். அதைத் தொடர்ந்து, வெள்ளலூர் குப்பைக் கிடங்கில் ஆய்வு மேற்கொண்ட அவர், பயோமைனிங் முறையில் குப்பைகளை மறுசுழற்சி செய்யும் பணிகளை திட்ட காலத்துக்குள் முடிக்க உத்தரவிட்டார். மக்கும், மக்காத குப்பைகளைத் தரம் பிரித்து, மக்கா குப்பைகள் தேவைப்படும் சிமென்ட் நிறுவனங்கள் மற்றும் இதர பயன்பாட்டுக்கு துரிதமாக வழங்க நடவடிக்கை மேற்கொள்ள அறிவுறுத்தினார்.
இதைத்தொடர்ந்து, மாநகராட்சி கூட்டரங்கில் நடைபெற்ற ஆய்வுக் கூட்டத்தில் பங்கேற்ற நகராட்சி நிர்வாக இயக்குநர் பா.பொன்னையா , கோவை மாநகராட்சியில் தற்போது நடைபெற்று வரும் வளர்ச்சித் திட்டங்கள், ஸ்மார்ட் சிட்டி திட்டப் பணிகள், குடிநீர், பாதாளச்சாக்கடைத் திட்டப் பணிகள் தார்சாலை, தெருவிளக்குகள் அமைக்கும் பணிகள் குறித்தும், அவற்றை விரைவில் முடிக்கவும் உத்தரவிட்டார்.
ஈஷா மண் காப்போம் மற்றும் எஸ்.ஆர்.எம் பல்கலைக்கழகம் சார்பில் ‘அக்ரி ஸ்டார்ட் அப் திருவிழா 2.O’
PSGR கிருஷ்ணம்மாள் மகளிர் கல்லூரியில் நடைபெற்ற பட்டமளிப்பு விழாவில் 2540 மாணவிகள் பட்டம் பெற்றனர்
25வது ஆண்டு விழாவை, கைலாக், குஷாக் மற்றும் ஸ்லாவியா லிமிடெட் எடிஷன்கள் அறிமுகத்துடன் ஸ்கோடா ஆட்டோ கொண்டாடுகிறது
டி.என்.பி.எஸ்.சி குரூப் 2 தேர்வில் வெற்றி பெற்றவர்களுக்கு பாராட்டு விழா
பி-எஸ்யூவிகளில் ஒன்றான புதிய நிசான் மேக்னைட்டுக்கான தொழில்துறையின் முதல் 10 ஆண்டு நீட்டிக்கப்பட்ட உத்தரவாத திட்டம் நிசான் அறிமுகம்
கோவை – மேட்டுப்பாளையம் சாலையில் 90 நாட்களுக்கு போக்குவரத்து மாற்றம் !
For English News
