May 31, 2017 
தண்டோரா குழு
மாட்டிறைச்சிக்காக மாடு விற்பனை செய்ய விதிக்கப்பட்ட தடையை எதிர்த்து சென்னை மாவட்ட ஆட்சியர் அலுவலகம் முன் திமுக சார்பில்,அதன் செயல் தலைவர் ஸ்டாலின் தலைமையில் ஆர்ப்பாட்டம் நடந்தது.
இந்த ஆர்ப்பாட்டத்தில் ஸ்டாலின் பேசியதாவது,
இது திமுக.,வின் போராட்டம் மட்டும் அல்ல. தமிழகம் முழுவதும் கூட்டணி கட்சிகள் சார்பிலும் இந்த போராட்டம் நடத்தப்படுகிறது.மாட்டிறைச்சி விற்க தடை விதித்து 8 நாட்கள் ஆகின்றன. இந்த தடை உத்தரவிற்கு பிற மாநில முதல்வர்கள் கண்டனமும், எதிர்ப்பும் தெரிவித்து வரும் நிலையில், தமிழக முதல்வர் தடை உத்தரவை முழுமையாக படித்து பார்த்து விட்டு கருத்துக் கூறுவதாக சொல்லியிருப்பது கண்டத்திற்குரியது. இந்த சட்டத்தை உடனடியாக திரும்பப் பெறாவிட்டால் மெரினா புரட்சி போன்று மற்றொரு புரட்சி உருவாகும்.
ஏற்கனவே தமிழக விவசாயிகள் வறட்சிபாதிப்பு காரணமாக பாதிக்கப்பட்டுள்ளனர். 400 விவசாயிகள் தற்கொலை செய்து கொண்டுள்ளனர். இந்த சமயத்தில் விவசாயிகளை பாதிக்கும் வகையில் பா.ஜ., அரசு இந்த தடையை கொண்டு வந்துள்ளது.
இது போன்ற தடைகளால் தனிமனித உரிமை பறிக்கப்படுகிறது. மாட்டிறைச்சி தடை சட்டத்தை கொண்டு வரும் அதிகாரம் மாநில அரசுக்கு தான் உண்டு என கூறிய மத்திய அரசு, தற்போது அரசிய சட்டம் உரிமையை பறிக்கும் வகையில் நடந்து கொள்கிறது.
மோடி விரும்புவதை தான் நாம் சாப்பிட வேண்டும் என்றால் தனிமனித உரிமை பறிக்கப்படும் நிலை உருவாகி உள்ளது. சுதந்திர நாட்டில் வாழ்வதாக கூறிக் கொண்டிருக்கிறோம். ஆனால் இது போன்ற தடைகளால் தனிமனித உரிமை பறிக்கப்படுகிறது.
இவ்வாறு ஸ்டாலின் பேசினார்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
