May 3, 2021 
தண்டோரா குழு
தேர்தல் அறிக்கையில் சொன்னதை எல்லாம் மாநில அரசின் ஒத்துழைப்புடன் மத்திய அரசின் உதவியுடன் தொகுதிக்கு பணிகளை செய்வோம் என கோவை தெற்கு சட்டமன்ற தொகுதியின் வெற்றியாளரும் பாஜக தேசிய மகளிரணி தலைவியுமான வானதி ஸ்ரீனிவாசன் தெரிவித்துள்ளார்.
கோவை காந்திபுரம் வி கே கே மேனன்ரோட்டில் அமைந்துள்ள பாஜக அலுவலகத்தில் அக்கட்சியின் தேசிய மகளிர் அணி தலைவி வானதி சீனிவாசன் சட்டமன்ற தேர்தலில் வெற்றிப்பெற்றதை அடுத்து முதற் முறையாக வந்ததையடுத்து முழக்கங்கள் எழுப்பி, மலர்த்தூவி வரவேற்பு அளிக்கப்பட்டது.
பின்னர் செய்தியாளர்கள் சந்தித்த வானதி ஸ்ரீனிவாசன்,
கோவை சட்டமன்ற தொகுதியில் தனக்காக வாக்களித்த, தேர்தல் பணியாற்றிய பாஜக, அதிமுக கட்சி நிர்வாகிகளுக்கும், குறிப்பாக, இந்த பகுதியில் தேசிய ஜனநாயக கூட்டணி வெற்றிப்பெற பெரிதும் உதவிய முன்னாள் அமைச்சர் எஸ்.பி.வேலுமணி, எம்.எல்.ஏ.வாக இருந்த அம்மன் அர்ஜூனன் ஆகியோருக்கு நன்றிகள் தெரிவித்தவர், தன்னை போன்றவே வெற்றிப்பெற்ற அனைத்து எம்.எல்.ஏ.க்களுக்கும், முதல்வராக பதவியேற்கவுள்ள ஸ்டாலினுக்கும் வாழ்த்துகள் தெரிவித்துக்கொண்டார்.
எந்தவித கூட்டங்கள் இல்லாமல் தொகுதி மக்களுக்கு நன்றி, திட்டங்களை செயல்படுத்துவது குறித்து ஆராய்ந்து செயல்படுவோம் என்றவர், தற்போது மக்களுக்கு உதவிகள் தேவைப்படுவதாகவும், மக்களுக்கு உதவி செய்வதை தான் இந்த நேரத்தில் வெற்றி கொண்டாட்டமாக பார்ப்பதாகவும் தெரிவித்தவர், எதிர்க்கட்சி தலைவரை தேர்ந்தெடுப்பது குறித்து அழுத்தம் கொடுக்கப்படுமா என்ற கேள்விக்கு, அது பாஜக கட்சி தலைமை தான் முடிவு செய்யும், தற்போது தான் எம்.எல்.ஏ., தான் என்று பதிலளித்தார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
