April 18, 2018 
தண்டோரா குழு
பெண் பத்திரிகையாளரின் கன்னத்தில் தட்டியதற்காக ஆளுநர் பன்வாரிலால் வருத்தம் தெரிவித்துள்ளார்.
மாணவிகளை தவறான வழிக்கு அழைத்த பேராசிரியர் நிர்மலா தேவி விவகாரம் விஸ்வரூபம் எடுத்துள்ள நிலையில் சென்னை கிண்டியில் உள்ள ராஜ்பவனில் ஆளுநர் பன்வாரிலால் புரோஹித் நேற்று செய்தியாளர்களை சந்தித்து பேசினார்.
அப்போது பத்திரிகையாளர்கள் எழுப்பிய பல்வேறு கேள்விகளுக்கு ஆளுநர் பதிலளித்தார்.இதனையடுத்து பத்திரிக்கையாளர் சந்திப்பு முடிந்த நிலையில் ஆங்கில இதழின் பெண் நிரூபர் ஒருவர் ஆளுநரிடம் ஒரு கேள்வி கேட்டார்.அதற்கு பதிலளிக்காமல் நீங்கள் என் பேத்தி மாதிரி என்று கூறி பெண் நிருபரின் கன்னத்தில் லேசாக தட்டினார்.அந்த புகைப்படம் சமூக வலைத்தளத்தில் வைரலானது.
பத்திரிக்கையாளர்கள் உட்பட பலரும் இதற்கு கண்டனம் தெரிவித்தனர்.மேலும்,ஆளுநர் மன்னிப்பு கேட்க வேண்டும் எனவும் வலியுறுத்தினர்.அதைபோல் கன்னத்தில் தட்டியது தொடர்பாக பெண் பத்திரிக்கையாளர் ஆளுநருக்கு மின்னஞ்சல் அனுப்பியிருந்தார்.இந்நிலையில், பெண் பத்திரிகையாளரின் கன்னத்தில் தட்டியதற்காக ஆளுநர் பன்வாரிலால் வருத்தம் தெரிவித்துள்ளார்.
40 ஆண்டுகளாக நான் பத்திரிகை துறையில் இருந்துள்ளேன். நல்ல கேள்வி கேட்டதற்காக, பேத்தி என நினைத்து தட்டிக்கொடுத்து பாராட்டினேன். அது உங்களை காயப்படுத்தி இருப்பது கண்டு வருந்துகிறேன். எனது மன்னிப்பை ஏற்க வேண்டுகிறேன். என நிருபர் லட்சுமி சுப்பிரமணியனுக்கு கடிதம் எழுதி ஆளுநர் பன்வாரி லால் புரோஹித் மன்னிப்புக் கோரியுள்ளார்.
கோவை மாநகராட்சியில் அட்வான்ஸ் ஒர்க்,பில் பெண்டிங்; ஒப்பந்ததாரர்கள் நல சங்கம் புகார்
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
For English News
