February 6, 2017 
தண்டோரா குழு
புது தில்லி வணிக, நிதி, மற்றும் வணிக மையமான நேரு பிளேஸ் என்னும் இடத்தில் காவல் துறையினருக்கும் திருட்டுக் கும்பலுக்கும் இடைய துப்பாக்கிச் சூடு நடந்தது. இதில் காவல் துறையினரால் தேடப்பட்டு வந்த குற்றவாளியைக் கைது செய்தனர்.
இது குறித்து காவல்துறை அதிகாரி கூறியதாவது:
புது தில்லியில் பல நாட்களாகத் தேடப்பட்டு வந்த குற்றவாளி அக்பர். இவரது தலைக்கு 25,௦௦௦ ரூபாய் பரிசு என்று காவல் துறையினர் அறிவித்திருந்தனர்.
புது தில்லி வணிக, நிதி, மற்றும் வணிக மையமான நேரு பிளேஸ் அருகில் உள்ள ஈரோஸ் விடுதி அருகில் விடியற்காலை 2.3௦ மணியளவில் காவல்துறையினர் குற்றவாளிகளைப் பிடிக்க முயன்றபோது இச்சம்பவம் நடந்தது. இதில் காவல் துறையினரால் தேடப்பட்டு வந்த குற்றவாளியைக் கைது செய்தனர்.
இவ்வாறு அவர் தெரிவித்தார்.
புது தில்லி காவல்துறை துணை ஆணையர் ரோமில் பாணியா கூறியதாவது:
“அக்பர் மோசமான கொள்ளைக்காரன். பல வழிப்பறிகளைச் செய்து வந்தான். கொள்ளை, திருட்டு, வழிப்பறி மற்றும் கொலை முயற்சி வழக்குகளில் காவல் துறையினரால் தேடப்பட்டு வந்தவன். 2௦16ம் ஆண்டு டிசம்பர் மாதம் தெற்கு தில்லியில் உள்ள புல் ப்ரஹாடல்பூர் என்னும் இடத்தில் துப்பாக்கி சூடு நடந்தது. அவ்வழக்கில் தேடப்பட்டு வந்த அக்பர் தலைக்கு 25,௦௦௦ ரூபாய் பரிசு என்று காவல்துறை அறிவித்தது.
நடந்த துப்பாக்கிச் சூடு சம்பவத்தின் முடிவில் காவல்துறையினர் அக்பர் என்கிற டேனிஷைக் கைது செய்தனர். ஆனால் அவனுடைய கூட்டாளியான ஆசிப் உள்ளிட்டோர் தப்பியோடிவிட்டனர். அவர்களைத் தேடி வருகிறோம். விரைவில் கைது செய்து சிறையில் அடைப்போம்.
குண்டு துளைக்காத ஜாக்கெட் அணிந்திருந்ததால் நடந்த துப்பாக்கி சண்டையில் தாக்கப்பட்ட இரண்டு காவலர்கள் அதிர்ஷ்டவசமாக உயிர் பிழைத்தனர்.
இவ்வாறு அவர் தெரிவித்தார்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
