April 15, 2017 
தண்டோரா குழு
பெல்ஜியத்தில் 3D பிரிண்டிங் தொழில்நுட்பத்தை பயன்படுத்தி புதிய சாக்லேட் வகைகள் தயாரிக்கப்படுகிறது.
பெல்ஜியம் நாட்டின் ‘மியாம் சாக்லேட்’ என்னும் சாக்லேட் கடையில் ௦.2 மில்லிமீட்டர் அளவிலான உருக்கிய சாக்லேட்டை கொண்டு 3D வடிவிலான சுவையான சாக்லேட்டை தயாரித்து வருகிறது. உணவு துறையின் தொழில்நுட்ப காரணங்களை ஆராய்ந்து, சிறப்பு 3D அச்சுபொறிகள் தயாரிக்கப்படுகிறது. பெல்ஜியம் நாட்டின் லைஜு பல்கலைக்கழகத்தின் ஸ்மார்ட் நுகர்வு ஆராய்ச்சி நிலையத்திலிருந்து இந்த சாக்லேட்டை தயார் செய்யும் இயந்திரத்தை மியாம் நிறுவனம் வாங்கியது.
வாடிக்கையாளர்களுக்கு 3D அச்சிடப்பட்ட சாக்லேட் பொருள்கள் மூலம் செய்திகள், சின்னங்கள் ஆகியவை வழங்கப்படுகிறது. மேலும், டெடி பியர், பட்டாம்பூச்சி, மிக்கிமவுஸ், டாம் அண்ட் ஜெர்ரி ஆகிய வடிவிலும் சாக்லேட் தயாரிக்கப்படுகிறது.இந்த சாக்லேட் முறையை தயாரிக்க 1௦ நிமிடம் முதல் 3 மணி நேரம் வரை ஆகும். சாக்லேட்டின் வடிவம், அதனுடைய அளவு, எந்த மாதிரியான சாக்லேட்டால் தயாரிக்கப்பட்டது என்பதன் அடிப்படையில் அதற்கான தொகை வசூலிக்கப்படும்.
இது போன்ற புதிய தொழில்நுட்பத்தால் ஆன 3டி சாக்லேட் மக்களிடமிருந்து நல்ல வரவேற்பை பெற்றுள்ளது.
மனித மூளைக்கும் கணினி மூளைக்கும் இடையேதான் வருங்காலத்தில் போட்டி இருக்கும் – நீயா நானா கோபிநாத் பேச்சு
மூளை அறுவை சிகிச்சைக்கு பிறகு மோட்டார் சைக்கிளில் கைலாய யாத்திரை; யோக விஞ்ஞானத்தின் சக்தியை காட்டுகிறது – சத்குரு
வாரணாசி, பாட்னா, மானேசர், ராஞ்சி, காஜியாபாத், ஆக்ரா மற்றும் அகர்தலா உட்பட நாடு முழுவதும் பிளிப்கார்ட்டின் விநியோகச் சங்கிலி தடம் விரிவாக்கம்
ஆசிரியர் தினத்தை கொண்டாடும் வகையில் மாதம் முழுவதும் ஆசிரியர்களுக்கும், கல்வியாளர்களுக்கும் பிரத்தியேக சலுகைகள் ஜி ஸ்கொயர், அறிவிப்பு
கோவை காளப்பட்டி பகுதியில் அடிசியா நிறுவனம் சார்பில் ஜல்லிகட்டு காளை சிலை திறப்பு
ஆர்தா செலக்ட் ஃபண்ட்ஸ் பங்குகளை வாங்குவதில் முதலீட்டாளர்கள் ஆர்வம்: இலக்கை தாண்டி 131 சதவீதம் அதிகரித்து பங்குகள் விற்பனை நிறைவு
For English News
