August 3, 2017 
தண்டோரா குழு
பிரபல பாலிவுட் நடிகர் திலீப்குமார் உடல்நலக் குறைவால் மும்பை லீலாவதி மருத்துவமனையில் அனுமதிக்கப்பட்டுள்ளார்.
பிரபல பாலிவுட் நடிகர் திலீப்குமார்(94) நீர்சத்துக் குறைவு காரணமாக மும்பை பேண்ட்ரா நகரிலுள்ள லீலாவதி மருத்துவமனையில் சேர்க்கப்பட்டுள்ளார். மருத்துவர்கள் அவருக்கு சிகிச்சை அளித்து வருகின்றனர்.
மேலும், அவரை தீவிர சிகிச்சை பிரிவில் சேர்க்கும் அளவிற்கு, அவருடைய உடல்நிலை மோசமாக இல்லை. அதனால் அவரை சாதாரண வார்டில் உள்ள ஒரு அறையில் தங்க வைத்துள்ளோம். அவரைத் தொடர்ந்து கண்காணித்து வருகிறோம். இன்னும் இரண்டு நாட்களில் வீடு திரும்புவார்” என்று அவருக்கு சிகிச்சை அளித்த மருத்துவர்கள் தெரிவித்துள்ளனர்.
கடந்த 1994ம் ஆண்டு, இந்தியாவின் உயரிய விருதான “Dadasaheb Phalke Award” திலீப்குமாருக்கு வழங்கப்பட்டது. கடந்த 2015ம் ஆண்டு இந்தியாவின் இரண்டாவது உயரிய விருதான பத்மா விபூசன் அவருக்கு வழங்கப்பட்டது என்பது குறிப்பிடத்தக்கது.
For English News
