June 17, 2019 தண்டோரா குழு
பாஜக செயல் தலைவராக மூத்த பாஜக தலைவர் ஜே.பி. நட்டா நியமிக்கப்பட்டுள்ளார்.
17வது மக்களவை தேர்தலில் பா.ஜ.,தலைமையிலான தேசிய ஜனநாயக கூட்டணி அமோக வெற்றி பெற்று பிரதமராக மோடி தலைமையில் இரண்டாவது முறையாக ஆட்சி அமைத்துள்ளது. தற்போது பா.ஜ. தேசிய தலைவராக உள்ள அமித்ஷா , மத்திய உள்துறை அமைச்சராக பொறுப்பேற்றுள்ளார். இந்த வருட ஆரம்பித்திலேயே அமித்ஷா தலைவர் பதவிக்காலம் முடிவுக்கு வந்தது. ஆனாலும் மக்களைவை தேர்தலை முன்னிட்டு அவரையே தலைவர் பதவியில் தொடர பா.ஜ., கேட்டுக்கொண்டது.
இந்நிலையில் மோடி தலைமையில் பா.ஜ. ஆட்சிமன்ற குழுக்கூட்டம் இன்று மாலை நடந்தது. இதில் பா.ஜ. செயல் தலைவராக மத்திய அமைச்சர் ஜெ.பி.நட்டா தேர்வு செய்யப்பட்டார். இதனால் தலைவர் பதவிக்கு வேறு யாரேனும் நியமிக்கப்படலாம் என்று கூறப்படுகிறது.