February 1, 2020
தமிழ் சினிமாவில் எதிரும் புதிரும் படத்தின் மூலம் அறிமுகமாவர் இயக்குநர் பேரரசு. நடிகர் விஜய்யை வைத்து திருப்பாச்சி, சிவகாசி ஆகிய இரண்டு வெற்றிப் படங்களை இயக்கி தமிழ் சினிமாவில் முன்னணி இயக்குநரானார். பின்னர் அஜித்தை வைத்து திருப்பதி படத்தை இயக்கினார்.
ஊர் பெயர்களை படத்தின் டைட்டிலாக வைப்பதே இவரின் சிறப்பாகும். சமீபகாலமாக திரைப்பட விழாக்களில் மட்டுமே தலைகாட்டி வரும் இவர் இயக்கத்தில் படங்கள் எதுவும் வெளிவரவில்லை.இந்நிலையில் பாஜக முன்னாள் அமைச்சர் பொன்.ராதாகிருஷ்ணனை சந்தித்து தன்னை பாஜகவில் இணைத்துக் கொண்டார்.
நடிகர் ராதாரவி, நடிகை நமீதா உள்ளிட்டோர் பாஜகவில் இணைந்திருக்கும் நிலையில் அந்த வரிசையில் தற்போது பேரரசும் இணைந்துள்ளார் என்பது குறிப்பிடத்தக்கது.