February 5, 2019 
தண்டோரா குழு
பப்ஜி விளையாட்டு ஆபத்தானது என டெல்லி குழந்தைகள் உரிமை பாதுகாப்பு அமைப்பு தெரிவித்துள்ளது
ஸ்மார்ட் போன்களில் தற்போது வெளிவரும் புதிய விளையட்டுக்கள் இளைஞர்கள் மத்தியில் பெரும் ஆபத்தை ஏற்படுத்தி வருகிறது. சில ஆண்டுகளுக்கு முன்பு வெளியான ப்ளூவேல் கேம் பெரும் வைரலாக பரவியது. இந்த விளையாட்டை விளையாடுபவர்கள் கடைசியில் தற்கொலை செய்து கொள்கிறார்கள் என்ற பெரும் அதிர்ச்சி எல்லாம் கிளம்பியது. இதனால் அரசு இந்த விளையாட்டை விளையாட தடை விதித்தது. அதையும் மீறி சிலர் விளையாண்டு தற்கொலை மற்றும்
தற்கொலை முயற்சிகளில் ஈடுபட்டனர்.
அந்த வகையில் தற்போது புதிதாக பப்ஜி விளையாட்டு இளைஞர்களிடம் பிரபலமடைந்துள்ளது. இந்த விளையாட்டு இருக்கும் இடத்தில் இருந்து லைவ்வாக மற்றவர்களுடன் சேர்ந்து பேசிக்கொண்டே விளையாடும் விளையாட்டு என்பதால் இளைஞர்கள் இதில் ஆர்வத்துடன் விளையாடுகின்றனர். இதனால்,தற்போது சிறுவர் முதல் முதியோர் வரை பலரும் பப்ஜி விளையாட்டிற்கு அடிமையாகிபோயுள்ளார்கள் இதையடுத்து டெல்லியில் உள்ள குழந்தைகள் உரிமை பாதுகாப்பு அமைப்பு அம்மாநிலத்தில் உள்ள பள்ளிகளுக்கு சுற்றறிக்கை ஒன்றை அனுப்பியுள்ளது.
அந்த அறிக்கையில் குழந்தைகள் தற்போது விளையாடிவரும் பப்ஜி, ஃபோர்ட்நைட், கிராண்ட் தெஃப்ட் ஆட்டோ, காட் ஆஃப் வார், ஹிட்மேன் உள்ளிட்ட வீடியோ மற்றும் ஆன்லைன் கேம்கள் குழந்தைகளுக்கு மிகவும் ஆபத்தை விளைவிக்கக்கூடியவை என அறிவுறுத்தியுள்ளது. மேலும், இந்த வகை கேம்களை தொடர்ந்து விளையாடும் குழந்தைகளுக்கு மனதளவில் வன்மம், பொறாமை, பெண்களின் மீதான வெறுப்பு, ஏமாற்றுத்தனம் உள்ளிட்ட பல கெட்ட செயல்களை கற்றுக் கொள்வார்கள் எனவும், அந்த அமைப்பு கூறியுள்ளது.
முன்னெச்சரிக்கை நடவடிக்கையாக பள்ளிகளில் பப்ஜி விளையாட்டு தடை செய்யப்பட்டுள்ளதா என்பதை உறுதிப்படுத்துமாறு பள்ளிக்கல்வித்துறைக்கு உத்தரவு பிறப்பித்து நோட்டீஸ் அனுப்பியுள்ளது.
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
For English News
