ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

நீருக்காக ஏடிஎம் வைத்துள்ள கிராமம்.

May 3, 2016

தண்டோரா குழு

உலகில் நாளுக்கு நாள் மக்கள் தொகை அதிகரித்து வருகிறது. இதனால் மக்கள் தங்கள் தேவைக்கு ஏற்ப வீடுகள் கட்ட காடுகள், ஆறுகள் மற்றும் குளங்கள் எனப் பல நீர்நிலைகளை அளித்து வருகின்றனர்.

சரியான இயற்கை சூழ்நிலை இல்லாத காரணத்தினால் மழை பொழிவும் குறைந்துவிட்டது. இதனால் தண்ணீர் தட்டுப்பாடு அதிகரித்துக் கொண்டே வருகிறது. குடிக்கத் தண்ணீரை காசு கொடுத்து வாங்க வேண்டிய நிலை ஏற்பட்டுள்ளது.

இது போன்ற நிலையை தவிர்ப்பதற்காகவே இந்தியாவில் ஒரு கிராமத்தில் தண்ணீர் ஏ.டி.எம் வைத்துள்ளனர்.

மகாராஸ்டிரா மாநிலம் ஹவுரங்கபத் நகரின் அருகில் உள்ளது பட்டோடா என்ற கிராமம். இக்கிராமத்தில் பெருமளவு தண்ணீர் பஞ்சம் இருந்துள்ளது. இதனால் மக்கள் குறைந்த அளவு நீரை மட்டும் தான் பயன்படுத்த வேண்டும் என்று கிராம நிர்வாகம் உத்தரவிட்டுள்ளது.

இதுமட்டுமின்றி ஒவ்வொரு வீடுகளிலும் தண்ணீர் எவ்வளவு பிடிக்கின்றார்கள் என்பதைக் கண்டறிவதற்காக மீட்டர் பொருத்தியுள்ளனர்.

இக்கிராமத்தில் கடும் நீர்பற்றாகுறை உள்ளதால் கிராம நிர்வாகம் இந்த முயற்சி மேற்கொண்டுள்ளது. இது தவிர தண்ணீர் பிடிப்பதற்கு என்றே தனியாக ஒரு ஏ.டி.எம் இயந்திரம் வைத்துள்ளார்கள்.

அதற்காகக் கொடுக்கப்பட்ட கார்டை வைத்துக் கொண்டு எந்த நேரத்திலும் தண்ணீர் பிடித்துக்கொள்ளலாம்.

ஆனால், அதில் முதலில் 2௦ லிட்டர் தண்ணீர் பிடிக்க வேண்டும், அதற்கு மேல் வேண்டும் என்றால் 5 ருபாய், கொடுத்து 1௦௦ லிட்டர் பிடித்து கொள்ள வேண்டும் என்ற நிபந்தனை உள்ளது. மற்றபடித் துணி துவைக்க, பாத்திரம் கழுவ, கிணற்று நீரைத் தான் பயன்படுத்த வேண்டும்.

இத்திட்டத்தை உருவாக்கிய பாஸ்கர் பேரேபட்டேல் என்பவர் கூறும் போது,
இந்தத் திட்டத்தை நாங்கள் திடீரென உருவாக்கவில்லை. இதற்காக 10 முதல் 12 வருடங்கள் மழை நீர் மற்றும் உபரி நீரைச் சேமித்து வைத்துத் தான் இந்த ஏ.டி.எம் தண்ணீர் திட்டத்தை உருவாக்கினோம்.

ஆரம்பத்தில் இதற்காக மிகவும் சிரமப்பட்டோம், தண்ணீர் தட்டுப்பாடு நிறைந்திருந்த இந்தக் கிராமத்தில் தற்போது தட்டுப்பாடு குறைந்துள்ளது என்றார்.

மேலும், இந்த முயற்சிக்காக 22 மாநிலம் மற்றும் தேசிய அளவிலான விருதுகளைப் பெற்றுள்ளோம் எனவும், தண்ணீர் தட்டுப்பாடு உள்ள கிராமங்களுக்கு தாங்கள் ஒரு எடுத்துக்காட்டாக விளங்குவதாகவும் தெரிவித்தார்.

நீருக்காக ஏடிஎம் வைத்துள்ள கிராமம்.

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்