March 2, 2017 
தண்டோரா குழு
‘நீட்’ தேர்வு ரத்து செய்வது தொடர்பாக பிரதமர் நரேந்திர மோடிதான் முடிவு செய்ய வேண்டும். ‘நீட்’ தேர்வு பிரச்சினை என்பது இந்தியா அளவிலான பிரச்சினை என்று தமிழக பள்ளிக்கல்வித் துறை அமைச்சர் செங்கோட்டையன் கூறியுள்ளார்.
இது குறித்து அவர் கோவை விமான நிலையத்தில் செய்தியாளர்களிடம் வியாழக்கிழமை கூறியதாவது;
“தமிழகத்தில் ஆசிரியர் பணி நியமனத்தில் ‘வெயிட்டேஜ்’ முறையை ரத்து செய்வது குறித்து பரிசீலனை செய்யப்பட்டு வருகிறது. தமிழகத்தில் 12௦௦ ஆசிரியர் பணியிடங்கள் மட்டுமே நிரப்பப்படாமல் உள்ளன. அவற்றை நிரப்ப நடவடிக்கை எடுக்கப்பட்டு வருகிறது. பகுதி நேர ஆசிரியர்களைப் பணி நிரந்தரமாக்குவது தொடர்பாக அரசின் நிதிநிலைக்கு ஏற்ப தமிழக முதல்வரிடம் பேசி முடிவெடுக்கப்படும்.
‘நீட்’ தேர்வை ரத்து செய்வது தொடர்பாக ஏற்கனவே சட்டம் இயற்றி குடியரசுத் தலைவர் ஒப்புதலுக்கு அனுப்பி வைக்கப்பட்டுள்ளது. இது தொடர்பாக பிரதமரிடம் தமிழக முதல்வர் பேசியிருக்கிறார். ‘நீட்’ தேர்வை ரத்து செய்வது தொடர்பாக பிரதமர் மோடிதான் முடிவு செய்ய வேண்டும். ‘நீட்’ தேர்வு என்பது இந்தியா அளவிலான பிரச்சினை. ‘நீட்’ தேர்வை எதிர்கொள்ள தமிழக மாணவர்கள் தயாராக இருக்கிறார்கள்.
ஹைட்ரோ கார்பன் திட்டத்தை எதிர்த்து நெடுவாசல் பகுதி மக்கள் நடத்தி வரும் போராட்டம் மத்திய அரசை எதிர்த்துதான். தமிழக அரசை எதிர்த்து இல்லை”
இவ்வாறு செங்கோட்டையன் கூறினார்.
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
For English News
