April 13, 2019 
தண்டோரா குழு
நடிகரும், முன்னாள் எம்.பியுமான ஜே.கே.ரித்தீஷ் மாரடைப்பால் இன்று காலமானார்.
கானல் நீர் படத்தின் மூலம் தமிழ் சினிமாவில் அறிமுகமானவர் ஜேகே ரித்தீஸ். அதன்பின் நாயகன், பெண் சிங்கம் ஆகிய படங்களில் நடித்த நடிகர் ரித்தீஷ் சமீபத்தில் வெளியான ஆர்ஜே பாலாஜியின் ‘எல்.கே.ஜி’ படத்தில் முக்கிய கதாபாத்திரத்தில் நடித்திருந்தார். அழகிரியின் ஆதரவாளராக இருந்த இவர் கடந்த 2009ஆம் ஆண்டு நடைபெற்ற பாராளுமன்ற தேர்தலில் ராமநாதபுரம் தொகுதியில் திமுக வேட்பாளராக போட்டியிட்டு வெற்றி பெற்றார். கடந்த 2014ம் ஆண்டு திமுகவில் இருந்து விலகி தற்போது அதிமுகவில் கட்சிப்பணிகளில் ஈடுபட்டு வருகிறார்.
நடிகர் சங்கப் பிரச்சினையில் நடிகர் விஷாலுக்கு சிம்ம சொப்பனமாக திகழ்ந்த ரித்திஷ் சில மாதங்களுக்கு முன் நெஞ்சு வலியின் காரணமாக சென்னை மருத்துவமனையில் சிகிச்சை பெற்று வந்தார். பின்னர் உடல்நலம் தேறியபின் வழக்கம்போலவே அரசியல் பணிகளை கவனித்து வந்தார்.இந்நிலையில் இன்று மதியம் இராமநாதபுரத்தில் உள்ள தனது வீட்டில் இருந்த போது அவருக்கு திடிரென நெஞ்சு வலி ஏற்பட்டது. இதையடுத்து, இராமநாதபுரத்தில் உள்ள பரணிகுமார் மருத்துவமனையில் சிகிச்சைக்காக சேர்க்கபட்டார். அங்கு சிகிச்சை பலனின்றி அவர் மரணமடைந்தார்.
இவரது மரணம் திரையுலகில் பெரும் அதிர்ச்சியை ஏற்படுத்தியுள்ளது. ரித்தீஷின் உடல் மருத்துவமனையில் இருந்து வீட்டிற்கு கொண்டுசெல்லப்படுகிறது. இலங்கை கண்டியில் பிறந்த ரித்தீஷ்-க்கு 46 வயது தான் என்பது குறிப்பிடத்தக்கது.
கோவையில் அமெரிக்க குடியேற்ற முதலீட்டாளர் திட்ட கருத்தரங்கு – பிப் 7-ந் தேதி நடக்கிறது !
முன்கூட்டியே நகைகளை முன்பதிவு செய்து தங்கத்தின் விலையை உறுதி செய்து கொள்ளலாம் – புதிய திட்டத்தை அறிமுகம் செய்த தனிஷ்க் !
குமரகுரு கல்வி நிறுவனங்களுடன் இங்கிலாந்து பல்கலைக்கழகம் புரிந்துணர்வு ஒப்பந்தம்; மாணவர்களுக்கு ரூ.10 லட்சம் மதிப்பிலான கல்வி உதவித்தொகை அறிவிப்பு!
கே.எம்.சி.ஹெ.ச் மருத்துவக்கல்லூரிக்கு “சிறந்த ஆராய்ச்சி மற்றும் புதுமை” க்கான விருது
7அப் சார்பில் “ஸ்னோ-ஃப்ரெஷ் புத்துணர்ச்சியுடன் வெப்பத்தை வெல்லுங்கள்”எனும் புதிய விளம்பரப் பிரச்சாரம் தொடக்கம்
கோவையில் உலக புற்றுநோய் தினம்: பி.எஸ்.ஜி. மருத்துவமனையில் ‘ஒற்றுமையின் மரம்’ நட்டு விழிப்புணர்வு!
For English News
