August 17, 2021 
தண்டோரா குழு
கோவை மாவட்ட தொழில் மையம், தொழில் கூட்டமைப்புகளுடன் இணைந்து தடுப்பூசி முகாம் மூலம் தொழிலாளர்களுக்கு தடுப்பூசி செலுத்தப்பட்டு வருகிறது.
இந்நிலையில் இதுவரை தொழில் கூட்டமைப்புகளுடன் இணைந்து சுமார் 35 ஆயிரம் டோஸ் தடுப்பூசி தொழிலாளர்களுக்கு செலுத்தப்பட்டுள்ளது. இதனிடையே தற்போது 15 ஆயிரம் டோஸ் தடுப்பூசி தொழிலாளர்களுக்கு என ஒதுக்கீடு செய்யப்பட்டுள்ளது. இதனை தொழில் கூட்டமைப்புகளுக்கு தொழிலாளர்களின் எண்ணிக்கைக்கு ஏற்ப பிரித்து கொடுக்கப்பட்டுள்ளது.
இதனிடையே தொழில் நிறுவனங்கள் தங்கள் தொழிலாளர்களுக்கு தடுப்பூசி செலுத்துவதற்கான தங்களது விருப்பத்தினை உடனடியாக தொழில் கூட்டமைப்புகளுக்கோ அல்லது கோவை மாவட்ட தொழில் மையத்திற்கோ தொடர்பு கொள்ள கேட்டுக் கொள்ளப்படுகிறது.
தொடர்பு கொள்ள வேண்டிய தொலைபேசி எண்கள் 8925533934, 8925533935, 8925533936.
For English News
