December 31, 2018 
தண்டோரா குழு
தமிழகத்தில் வடகிழக்கு பருவமழை இயல்பை விட 24% குறைவாக பெய்துள்ளதாக சென்னை வானிலை மைய இயக்குனர் பாலச்சந்திரன் கூறியுள்ளார்.
சென்னை வானிலை மைய இயக்குனர் பாலச்சந்திரன் இன்று செய்தியாளர்களை சந்தித்து பேசினார்.
அப்போது பேசிய அவர்,
2018 ஆண்டு முழுவதும் தமிழகம் மற்றும் புதுச்சேரியில் மொத்தம் 79 செ.மீ. மழை பெய்துள்ளது. இது இயல்பைவிட 14 சதவிகிதம் குறைவாகும். தென்மேற்கு பருவமழை 28 செ.மீட்டர் பெய்துள்ளது. இது இயல்பைவிட 12 சதவிகிதம் குறைவு. வடகிழக்கு பருவமழை 34 செ.மீ., பெய்துள்ளது. இது வழக்கத்தை விட 24 சதவிகிதம் குறைவு. 2018-ம் ஆண்டு வடகிழக்கு பருவமழையை பொறுத்தவரையில் 4 மாவட்டங்களில் இயல்பை விட குறைவாக மழை பெய்துள்ளது. அதிகபட்சமாக தருமபுரி மாவட்டத்தில் 59 சதவீதம் இயல்பை விட குறைவாக பெய்துள்ளது. தருமபுரி, கிருஷ்ணகிரி, சென்னை, கரூர் ஆகிய 4 மாவட்டங்களும் இயல்பை விட 50 சதவீதம் குறைவாக மழை பெய்துள்ளது.
5 மாவட்டங்களில் 40 முதல் 50 சதவீதத்திற்கு குறைவாக மழை பெய்துள்ளது. 5 மாவட்டங்களில் 30 முதல் 40 சதவீதத்திற்கு குறைவாக மழை பெய்துள்ளது. திருநெல்வேலி மாவட்டத்தில் மட்டுமே வழக்கத்தை விட கூடுதலாக 11 சதவிகிதிம் மழை பெய்துள்ளது. 15 மாவட்டங்களில் 1 முதல் 19 சதவீதம் வரை குறைவான மழை பெய்துள்ளது. நீண்ட கால வானிலை அறிக்கையில் எதிர்பார்த்தபடி மழை பெய்யவில்லை என அவர் கூறினார். மேலும், வடகிழக்கு பருவமழை காலத்தில் எல்நினோ நிகழ்வு நடக்கவில்லை. அடிப்படை வானிலை நிகழ்வு சாதகம் இல்லாமல் போனதால் மழை குறைவாக பெய்துள்ளது. கஜா புயல் தவிர ஏனைய புயல்கள் மழையை தரவில்லை. சென்னையை பொறுத்தவரை இயல்பைவிட 55 சதவீதம் குறைவாக பெய்துள்ளது. வழக்கமாக 79 செ.மீ. மழை பதிவாகும். ஆனால் இந்த ஆண்டு 35 செ.மீ. மழையே பதிவாகி உள்ளது.
இவ்வாறு பாலச்சந்திரன் கூறினார்.
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
For English News
