January 9, 2017 
தண்டோரா குழு
தமிழ்நாடு அரசுப் பணியாளர் தேர்வாணையத்தின் (டி.என்.பி.எஸ்.சி) 11 உறுப்பினர்கள் நியமனத்தை ரத்து செய்து சென்னை உயர் நீதிமன்றம் பிறப்பித்த உத்தரவை ரத்து செய்ய உச்ச நீதிமன்றம் மறுத்துவிட்டது.
தமிழ்நாடு அரசுப் பணியாளர் தேர்வாணையத்துக்கு புதிய உறுப்பினர்களாக ஓய்வு பெற்ற மாவட்ட நீதிபதி வி. ராமமூர்த்தி, வழக்கறிஞர்கள் ஆர். பிரதாப்குமார், வி. சுப்பையா, எஸ். முத்துராஜ், எம். சேதுராமன். ஏ.வி. பாலுச்சாமி, எம். மாடசாமி, பொறியாளர்கள் பி. கிருஷ்ண குமார், ஏ. சுப்பிரமணியன், என்.பி. புண்ணியமூர்த்தி, ஓய்வு பெற்ற ஐஏஎஸ் அதிகாரி எம். ராஜாராம் ஆகிய 11 பேரும் கடந்த ஜனவரி 31–ம் தேதி நியமிக்கப்பட்டனர்.
இவர்கள் நியமிக்கப்பட்டதில் உரிய விதிகள் பின்பற்றப்படவில்லை என்று திமுக முன்னாள் எம்.பி-யும் செய்தித் தொடர்பாளருமான டிகேஎஸ் இளங்கோவன், சமூகநீதி பேரவையின் தலைவர் கே. பாலு, புதிய தமிழகம் கட்சித் தலைவர் டாக்டர் கிருஷ்ணசாமி ஆகியோர் சென்னை உயர் நீதிமன்றத்தில் வழக்கு தொடர்ந்தனர்.
இவ்வழக்கை விசாரித்த சென்னை உயர்நீதிமன்ற தலைமை நீதிபதி எஸ்.கே. கவுல், நீதிபதி ஆர்.மகாதேவன் ஆகியோர் 11 டிஎன்பிஎஸ்சி உறுப்பினர்களையும் நியமனம் செய்த உத்தரவை கடந்த மாதம் அதிரடியாக ரத்து செய்து உத்தரவிட்டனர்.
இதனிடையே சென்னை உயர் நீதிமன்ற உத்தரவுக்குத் தடை கோரி உச்ச நீதிமன்றத்தில் தமிழக அரசு மேல்முறையீடு செய்தது. இந்த மேல்முறையீட்டு மனுவை விசாரித்த தலைமை நீதிபதி கெஹர் தலைமையிலான பெஞ்ச், சென்னை உயர் நீதிமன்றத்தின் உத்தரவுக்குத் தடை விதிக்க மறுத்து விட்டது.
மேலும், தகுதி உள்ளவர்கள் மட்டுமே அப்பொறுப்பில் நியமிக்கப்பட வேண்டும் என உச்ச நீதிமன்றம் அறிவுறுத்தியது.
மஹாசிவராத்திரியை முன்னிட்டு பாடல் பெற்ற திருக்கோவில்கள் வழியாக ஆதியோகி ரத யாத்திரை!
கோவை புரோஜோன் மாலில் தமிழ்நாட்டில் முதன் முறையாக 40 அடி உயர ஸ்நோ மேன் மற்றும் கிறிஸ்துமஸ் ஸ்நோமேன் வில்லேஜ் துவக்கம்
விழிப்புணர்வை ஏற்படுத்தும் வகையில் 300 பேர் உற்சாகமாகப் பங்கேற்ற கார்ப்பரேட் மராத்தான் 3வது நிகழ்வு ஆம்வே இந்தியா நடத்தியது
இந்தியாவின் முதல் ‘ரீசார்ஜ் உடன் இணைந்த மொபைல் திருட்டு மற்றும் இழப்பு காப்பீட்டுத் திட்டம்’ விஐ அறிமுகம்
தேசிய அளவில் 2.4 லட்சம் மாணவர்கள் பங்கேற்கும் ‘லீட் சாம்பியன்ஷிப்’ போட்டி – கோவை மண்டல சுற்றில் 1200 மாணவர்கள் பங்கேற்பு!
2026ல் கோவையிலிருந்து 300 மாணவர்களை மத்திய அரசு பணியாளர்களாக நிலைநிறுத்தும் நோக்குடன் சங்கர் ஐ.ஏ.எஸ் அகாடமி நடத்திய ‘டிரினிட்டி கான்கிளேவ்’
For English News
