December 20, 2016 
தண்டோரா குழு
ஜெர்மனி நாட்டின் பெர்லின் நகரத்தில் பொதுமக்கள் அதிகம் கூடும் சந்தையில் ஒரு லாரி புகுந்து மோதியதில் 12 பேர் பலி 48 பேர் படுகாயமடைந்தனர்.
கிறிஸ்துமஸ் மற்றும் புத்தாண்டு பண்டிகை உலகமெங்கும் விரைவில் கொண்டாடப்படவுள்ளன. கிறிஸ்தவ மக்கள் அதிகம் வசிக்ககூடிய நாடுகளில் பண்டிகையைக் கொண்டாட மக்கள் இனிப்புகள், பட்டாசுகள், புத்தாடைகள், கிறிஸ்துமஸ் மற்றும் புத்தாண்டு பொருள்கள் வாங்க கடைகளுக்கும், சந்தைக்கும் செல்வது வழக்கம்.
ஜெர்மனி தலைநகரான பெர்லினில் கிறிஸ்துமஸ் பண்டிகைக்காக பொருட்களை வாங்க சந்தையில் மக்கள் கூட்டம் அலைமோதியது. திடீரென்று அந்தக் கூட்டத்தில் ஒரு லாரி கட்டுப்பாட்டை இழந்து புகுந்தது. கூடியிருந்த பொதுமக்கள் மீது அந்த லாரி மோதியதில் 12 பேர் உயிரிழந்தனர். 48 பேர் படுகாயம் அடைத்தனர்.
இச்சம்பவம் குறித்து தகவல் பெற்ற பெர்லின் காவல்துறையினர் சம்பவ இடத்திற்கு விரைந்து வந்து காயம் அடைந்தவர்களை மீட்டு, ஆம்புலன்ஸ் மூலம் அருகில் உள்ள மருத்துவமனைக்கு அனுப்பி வைத்தனர். அவர்களுக்கு மருத்துவர்கள் சிகிச்சை அளித்து வருகின்றனர்.
இது குறித்து பெர்லின் காவல்துறை அதிகாரி செய்தியாளர்களிடம் திங்கள்கிழமை கூறியதாவது:
கிறிஸ்துமஸ் காலத்தில் இது போன்ற சம்பவம் நேர்ந்தது அதிர்ச்சியாகவும் வேதனையாகவும் இருக்கிறது. இதற்கு காரணமான குற்றவாளியைச் சம்பவ இடத்தில் இருந்து 2 கிலோமீட்டர் தூரத்தில் கைது செய்து விசாரணை நடத்தி வருகிறோம். அந்த வாகனத்தை ஓடியவர் கடந்த பிப்ரவரி மாதம் ஜெர்மனி நாட்டில் தஞ்சம் புகுந்தவர் என்றும் அந்த வாகனம் போலந்து நாட்டில் பதிவு செய்யப்பட்டது என்று முதல் கட்ட விசாரணையில் தெரிய வந்துள்ளது. மேலும், இச்சம்பவம் திட்டமிட்ட தாக்குதலாக கூட இருக்கலாம் என்று சந்தேகிக்கிறோம்.
இவ்வாறு அவர் தெரிவித்தார்.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
