December 18, 2018 
தண்டோரா குழு
ஜெயலலிதா மருத்துவமனையில் சிகிச்சை பெற்ற போது உணவுக்காக மட்டும் ரூ.1.17 கோடி செலவானதாக அப்போலோ மருத்துவமனை ஆறுமுகசாமி ஆணையத்தில் தெரிவித்துள்ளது.
மறைந்த தமிழக முன்னாள் முதல்வர் ஜெயலலிதா மரணம் தொடர்பாக ஓய்வு பெற்ற நீதிபதி ஆறுமுக சாமி தலைமையிலான ஆணையம் விசாரித்து வருகிறது. இந்த ஆணையத்தில்அப்போலோ மருத்துவமனை ஜெயலலிதா சிகிச்சை தொடர்பான தகவல்களை தாக்கல் செய்துள்ளது. அதில், ஜெயலலிதா மருத்துவமனையில் இருந்த போது அளிக்கப்பட்ட மருத்துவ சிகிச்சை உள்ளிட்ட அனைத்திற்கும் ஆன செலவு பட்டியல் வெளியாகியுள்ளது. 2016-ம் ஆண்டு செப்டம்பர் 12-ம் தேதி மருத்துவமனையில் சிகிச்சைக்காக அனுமதிக்கப்பட்ட ஜெயலலிதா 75 நாட்கள் மருத்துவமனையில் இருந்துள்ளார்.
சிகிச்சை நாட்களில் ஜெயலலிதாவிற்கு உணவுக்காக மட்டும் ரூ.1.17 கோடி செலவாகியுள்ளதாக அப்போலோ மருத்துவமனை தெரிவித்துள்ளது.
மருத்துவ செலவு – ரூ1.92 கோடி
மருத்துவர்கள் செலவு – ரூ2.21 கோடி
அறை வாடகை – ரூ1.24 கோடி
உணவு – ரூ1.17 கோடி
இஞ்னியரிங் செலவு – ரூ30.68 லட்சம்
மொத்த செலவு – ரூ6.85 கோடி
லண்டன் மருத்துவர் பீலேவுக்கு ரூ.92.07 லட்சம் கொடுக்கப்பட்டுள்ளது. சிங்கப்பூரில் இருந்து பிஸியோ சிகிச்சை அளித்த மருத்துவனைக்கு ரூ.1.29 கோடி செலவாகியுள்ளது என தெரிவிக்கப்பட்டுள்ளது.
இதில், அதிமுக சார்பில் 6 கோடி ரூபாய்க்கான காசோலை வழங்கப்பட்டுள்ளது. இன்னும், 46.44 லட்சம் ரூபாய் பாக்கி உள்ளது” என்று தெரிவிக்கப்பட்டுள்ளது.
For English News
