November 10, 2017 
தண்டோரா குழு
கவுக்காத்தியில் இன்று நடைப்பெற்ற ஜிஎஸ்டி கவுன்சில் கூட்டத்தில் 177க்கும் மேற்பட்ட பொருட்களுக்கு ஜிஎஸ்டி வரி குறைக்கப்பட்டுள்ளது.
கவுக்காத்தியில் 23வது ஜிஎஸ்டி கவுன்சில் கூட்டம் நிதியமைச்சர் அருண்ஜெட்லி தலைமையில் இன்று நடைப்பெற்றது.இந்த ஜிஎஸ்டி கவுன்சில் கூட்டத்தில் 177க்கும் மேற்பட்ட பொருட்களுக்கு ஜிஎஸ்டி வரி குறைக்கப்பட்டுள்ளது.
ஷேவிங் கிரீம், பற்பசை, ஷேம்பு உள்ளிட்ட அழகு சாதன பொருட்களின் வரி 29% லிருந்து 18% ஆக குறைக்கப்பட்டுள்ளது.ஜவுளி மற்றும் ஜவுளி பொருட்களின் மீதான வரி 18% லிருந்து 5% ஆக குறைக்கப்பட்டுள்ளது.
விளைபொருட்கள் சேமிப்புக்கான உள்கட்டமைப்பு பணிகளுக்கான வரி 12% ஆக குறைக்கப்பட்டுள்ளது.செங்கல் தொழில் தொடர்பான சில்லறை வேலைகள் மீதான சேவை வரி குறைப்பு.விவசாய டிராக்டருக்கான சில பிரத்யேக பாகங்கள் மீதான வரி 28% லிருந்து 18% ஆக குறைப்பு.
மேலும்,திரைப்படம் தொடர்பான சாதனங்கள், கருவிகளுக்கு 28% லிருந்து 18% ஆக வரியை குறைக்க பரிந்துரை செய்யப்பட்டுள்ளது.இதுகுறித்த அதிகாரப்பூர்வ அறிவிப்பை நிதியமைச்சர் அருண் ஜேட்லி மாலையில் வெளியிடுவார் என்று தெரிகிறது.
For English News
