May 13, 2017 
தண்டோரா குழு
ரயிலிக்கும் பிளாட்பாரத்திற்கும் இடையே உள்ள இடைவெளியில் சிக்கிய மூதாட்டியை காப்பாற்ற ரயில் பெட்டியை சாய்த்த சம்பவம் ஆச்சரியத்தை ஏற்படுத்தியுள்ளது.
சீனா நாட்டின் பெய்ஜிங்கில் அதிக கூட்டம் நிறைந்த ரயில் நிலையம் குவாங்ஷு ஆகும்.அந்த ரயில் நிலையத்திற்கு ஒரு ரயில் வந்துள்ளது. அதிலிருந்து இறங்கிய 72 வயது மூதாட்டி ஒருவர் ரயிலிக்கும் பிளாட்பாரத்திற்கும் இடையே உள்ள இடைவெளியில் தவறி விழுந்துவிட்டார். அவர் விழுந்த இடத்தில் இருந்த ஒரு சிறிய இடைவெளியில் அவருடைய கால் சிக்கிக்கொண்டது.
அங்கிருந்த மக்கள் இதைக்கண்டதும் அனைவரும் ஒன்று சேர்ந்து அந்த மூதாட்டிக்கு உதவ முன் வந்தனர். அவர் சிக்கியிருந்த இடைவெளியிலிருந்து வெளியே எடுக்க முயற்சி செய்தனர். ஆனால், அவரை வெளியே கொண்டு வர முடியவில்லை. 1௦௦ டன் எடையை கொண்ட ரயில் பெட்டியை பின்புறமாக தள்ளி அவரை விடுவிக்க திட்டமிட்டனர். அதன்படி, அனைவரும் ஒரு குழுவாக இணைந்து அந்த ரயிலை தள்ளியுள்ளனர்.
அவருடைய கால் சிக்கியிருந்த இடத்திலிருந்து காலை எளிதாக வெளியே எடுக்க உதவ, ரயில்வே ஊழியர்கள் அவருக்கு தைலம் ஒன்றை கொடுத்துள்ளனர். இந்த சம்பவம் அறிந்த ரயில்வே மீட்புப்பணி ஊழியர்கள் சம்பவ இடத்திற்கு வந்தனர். அங்கிருந்த மக்களின் உதவியுடன் அந்த மூதாட்டியை அந்த இடைவெளியில் இருந்து பத்திரமாக வெளியே கொண்டு வந்துள்ளனர்.
“எனக்கு பெரிய காயங்கள் ஏதும் ஏற்படவில்லை. முழங்கால்கள் சிறிய சிராய்ப்புக்கள் ஏற்பட்டுள்ளது. என்னை காப்பாற்ற உதவிய மக்களுக்கு என் மனமார்ந்த நன்றி” என்று அந்த மூதாட்டி தெரிவித்தார்.
கோவையில் மத்திய அரசை கண்டித்து தொழிற்சங்க கூட்டமைப்பு சார்பில் கண்டன ஆர்ப்பாட்டம்
தண்ணீர் கிடைக்காமல் 7 ஆண்டுகளாக தவிக்கும் கோவை எம்.ஜி.ஆர்.நகர் மக்கள் – ஆட்சியரிடம் மனு
ஈஷா லிங்க பைரவியில் ‘பூதசுத்தி விவாஹா’ முறையில் நடைபெற்ற சமந்தா பிரபு, ராஜ் நிடிமொருவின் திருமணம்
கோவை மாநகரில் உள்ள அனைத்து திருச்சபைகள் இணைந்து நடத்திய பல்சமய கிறிஸ்மஸ் இன்னிசை விழா
அரேபியன் வகை உணவுகளான மெல்பான் டெஸ்ஸர்ட் இனிப்பு விற்பனையகம் கோவை போத்தனூரில் துவக்கம்
கோவையின் மையப்பகுதியில் ₹750 கோடி மதிப்பில் அதிநவீன வசதிகளுடன் கூடிய உயர்தர வாழ்க்கைக்கான பிரத்தியேக மனை திட்டம் ’ஜி ஸ்கொயர் தி ரெசிடென்சி’ ஜி ஸ்கொயர் அறிமுகம்
For English News
