May 11, 2019 
தண்டோரா குழு
கோவையின் குடிநீர் ஆதாரமாக இருக்கும் சிறுவாணி அணையின் நீர்மட்டம் தொடர்ந்து குறைந்து வருவதால் இம்மாத இறுதி வரை மட்டுமே விநியோகிக்க இருப்பு இருப்பதாக அதிகாரிகள் தெரிவித்து உள்ளனர்.
கோவையின் முக்கிய நீராதாரமான சிறுவாணி அணை கேரளாவில் இருந்தாலும் நீரை அதிகளவில் பயன்படுத்துவது கோவை தான். சிறுவாணி அணையில் இருந்து எடுக்கப்படும் நீர் சுத்திகரிப்பு நிலையத்துக்கு அனுப்பப்பட்டு, வழியோரமுள்ள 22 கிராமங்களுக்கும், மாநகராட்சியின் ஏறத்தாள 23 வார்டுகளுக்கும் விநியோகிக்கப்படுகிறது.
இந்நிலையில் தற்போது கோடை காலமாக உள்ளதாலும், மழை இல்லாத காரணத்தாலும், அணையின் நீர்மட்டம் தொடர்ந்து குறைந்து வருகிறது. தற்போது 49 எம் எல் டி அளவுக்கு தண்ணீர் எடுக்கப்பட்டு விநியோகிக்கப்பட்டு வருகிறது. இந்த தண்ணீர் இருப்பு இம்மாத இறுதி வரை மட்டுமே விநியோகிக்க முடியும் என தமிழ்நாடு குடிநீர் வடிகால் வாரிய அதிகாரிகள் தெரிவித்து உள்ளனர்.
மழை பெய்தால் தான் அணையில் இருந்து நீர் எடுக்க முடியும் எனவும், சிறுவாணி அணையில் மழை குறைந்து நீர் பெறுவதில் தட்டுப்பாடு ஏற்பட்டாலும், மாநகரில் சிறுவாணி குடிநீர் விநியோகிக்கும் பகுதிகளுக்கு பில்லூர் குடிநீர் விநியோகிக்கும் வகையில் மாநகராட்சி நிர்வாகத்தின் சார்பில் குழாய்கள் தயார் நிலையில் வைக்கப்பட்டு உள்ளதாக அதிகாரிகள் தெரிவித்தனர். குடிநீரை வீணாக்காமல் சிக்கனமாக பயன்படுத்தவும் அதிகாரிகள் அறிவுறுத்தி உள்ளனர்.
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
சர்வதேச செவிலியர் தினத்தை முன்னிட்டு ஸ்ரீ ராமகிருஷ்ணா மருத்துவமனை நடத்திய மாபெரும் பேரணி !
யானைகளின் பெயரை கூறி விவசாயிகளின் வாழ்வாதாரத்தை அழிக்க முயற்சிக்கும் வனத்துறை -தொண்டாமுத்தூர் விவசாயிகள் கண்டனம்
கோவை மாநகராட்சியில் அட்வான்ஸ் ஒர்க்,பில் பெண்டிங்; ஒப்பந்ததாரர்கள் நல சங்கம் புகார்
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
For English News
