October 25, 2017 
தண்டோரா குழு
அமெரிக்காவில் நிறைமாத கர்ப்பிணி பெண் ஒருவர் வயிற்றிலிருந்த குழந்தை சீக்கிரம் வெளியே வரவேண்டும் என்பதற்காக, அந்த குழந்தைக்கு நோட்டீஸ் வழங்கப்பட்ட சம்பவம் அரங்கேறியுள்ளது.
அமெரிக்காவின் உட்டா மாகாணத்தை சேர்ந்த கெலி பே, அங்குள்ள நீதிமன்றத்தில் பணியாற்றி வருகிறார். அவர் மூன்றாவது முறையாக கர்ப்பம் ஆனார். நிறைமாத கர்ப்பிணியான அவரை அங்கிருந்த மருத்துவமனையில் கடந்த 16ம் தேதி அவருடைய கணவர் சேர்த்தார்.
மருத்துவமனையில் சேர்க்கப்பட்ட பிறகு, அவருக்கு பிரசவ வலி ஏற்பட்டது. இன்னும் சிறிது நேரத்தில் தனக்கு குழந்தை பிறந்துவிடும் என்று ஆவலோடு இருந்தார் கெலி. ஆனால்,அவருக்கு ஏற்பட்ட பிரசவ வலி நின்றுவிட்டது. அதன் பிறகு தனக்கு பிரசவ வலி வரும் என்று காத்திருந்தார்.சில நேரம் காத்திருந்த அவர் சோர்வடைய தொடங்கினர்.
உடனே தன்னுடன் பணியாற்றி வரும் லின் டேவிஸ் என்னும் நீதிபதியை தொடர்புக்கொண்டு, தன் வயிற்றிலிருக்கும் குழந்தை சீக்கிரம் வெளியே வரவேண்டும் என்று நோட்டீஸ் ஒன்றை வழங்கவேண்டும் என்று கோரிக்கை விடுத்தார். அவருடைய கோரிக்கை ஏற்றுக்கொண்ட லின், நோட்டீஸை ஒன்றை அனுப்பினார்.
நீதிமன்றத்தில் இருந்து வந்த நோட்டீசை, தனது வயிற்றிலிருக்கும் குழந்தைக்கு படித்து காண்பித்தார் கெலி பே. சுமார் 12 மணிநேரம் கழித்து அந்த குழந்தை வெளியே வந்தது. அந்த குழந்தைக்கு கிரேத்செல் கொன்னி ஹான்சென் என்று பெயர் சூடப்பட்டது. கெலி பே மற்றும் அவருடைய குழந்தை நலமாக உள்ளனர் என்று மருத்துவர்கள் தெரிவித்தனர்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
