May 31, 2021 
தண்டோரா குழு
கோவை சாய்பாபாகாலனி பகுதியில் தூய்மை பணியாளர்கள் மற்றும் ஆதரவற்றோர்களுக்கு தினமும் உணவு வழங்கி வரும் தி.மு.க வர்த்தக அணி துணை அமைப்பாளர் காலனி வினோத் ஆனந்த் மற்றும் தொண்டரணி துணை அமைப்பாளர் தளபதி மோசஸ் ஆகியோரை பலரும் பாராட்டி வருகின்றனர்.
முழு ஊரடங்கால்,தமிழகத்தில் ஆதரவற்றோர் மற்றும் ஏழை தொழிலாளர்கள் ஒருவர் கூட உணவு கிடைக்காமல் இருக்க கூடாது என்பதில் கூடுதல் கவனம் செலுத்தி உள்ள தமிழக முதல்வர் மு.க.ஸ்டாலின், உணவின்றி தவிப்பவர்களுக்கு தினமும் உணவு வழங்க தி.மு.க.தொண்டர்கள் முன் வரவேண்டும் என ஆணையிட்டுள்ளார்.
இந்நிலையில் இதனை பின்பற்றும் வகையில், வர்த்தக அணி துணை அமைப்பாளர் காலனி வினோத் ஆனந்த்,மற்றும் தொண்டரணி துணை அமைப்பாளர் தளபதி மோசஸ் ஆகியோர் சாய்பாபா காலனி மற்றும் அதன் சுற்றுப்புற பகுதிகளில் பணியாற்றும் தூய்மை பணியாளர்கள் மற்றும் சாலையோரம் வசிக்கும் ஆதரவற்றோர்களுக்கு தினமும் உணவு வழங்கி வருகின்றனர்.
இந்நிலையில் இன்று இதில் சிறப்பு விருந்தினராக அகில இந்திய தெலுங்கு தேவாங்க சமுக நல சங்கம் மத்திய சங்க மாநில தலைவர் ஆனந்தராஜ் கலந்து கொண்டு உணவு பொட்டலங்களை வழங்கினார். ராமலிங்கம் காலனி பகுதியில் உள்ள மாநகராட்சி திருமண மண்டபத்தில், தினமும் உடலுக்கு ஆரோக்கியமான எலுமிச்சை,புதினா,மல்லி மற்றும் சாம்பார் சாதம் என பல்வேறு வகையான உணவுகளை தயாரித்து தினமும் வழங்கி வரும் தி.மு.க.நிர்வாகிகளை பலரும் பாராட்டி வருகின்றனர்.
இந்நிலையில் இதனை கேள்விபட்ட பிரபல எருமைசாணி யூ டியூப் சேனல் புகழ் விஜய் உணவு வழங்கும் இடத்திற்கு வருகை புரிந்து தன்னலம் பாராமல் முதல்வரின் உத்தரவை பின்பற்றி சேவை புரிந்து வரும் காலனி வினோத் ஆனந்த் மற்றும் தளபதி மோசஸிற்கு தமது வாழ்த்துக்களை தெரிவித்தார்.
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
For English News
