June 2, 2018 
தண்டோரா குழு
சட்டப்பேரவை கூட்டத்தில் திங்கள் முதல் மீண்டும் பங்கேற்க திமுக முடிவு செய்துள்ளதாக திமுக செயல் தலைவர் ஸ்டாலின் தெரிவித்துள்ளார்.
முதலமைச்சர் பதவி விலகும் வரை அவை நடவடிக்கைகளில் தி.மு.க பங்கேற்காது என மு.க.ஸ்டாலின் அறிவித்திருந்தார். இந்நிலையில், சென்னை அண்ணா அறிவாலயத்தில் ஸ்டாலின் தலைமையில் திமுக மாவட்ட செயலாளர்கள், எம்எல்ஏக்கள் கூட்டம் நடைபெற்றது. இதில் தமிழக சட்டப்பேரவை கூட்டத்தை புறக்கணிப்பதா? அல்லது பங்கேற்பதா? என்பது குறித்து ஆலோசனை செய்யப்பட்டது.
அப்போது, இந்த ஆலோசனை கூட்டத்தில் சட்டபேரவை கூட்டத்தொடரில் திங்கள் முதல் மீண்டும் பங்கேற்க திமுக முடிவு செய்துள்ளது. மேலும், ஜூன் 5, 8, 12-ல் திமுக நடத்த இருந்த மாதிரி பேரவை கூட்டம் ரத்து செய்யப்படுவதாக அறிவிக்கப்பட்டுள்ளது.
இந்த கூட்டத்தில் 3 தீர்மானங்கள் நிறைவேற்றப்பட்டது. அவை,
திமுக தலைவர் கருணாநிதியின் 95-வது பிறந்தநாளை தமிழகத்தில் சிறப்பாக கொண்டாட தீர்மானம்.
ஜூன் 12-ம் தேதிக்குள் மேட்டூர் அணையில் இருந்து நீரை திறக்கக்கோரி தீர்மானம் நிறைவேற்றம்.
சட்டசபை கூட்டத்தொடரில் திங்கள் முதல் மீண்டும் பங்கேற்பது பற்றியும் தீர்மானம் நிறைவேற்றப்பட்டது.
ஸ்டாலின் தலைமையில் நடைபெற்ற எம்.எல்.ஏ.க்கள் கூட்டத்தில் தீர்மானம் நிறைவேற்றப்பட்டது.
கோவை மாநகராட்சியில் அட்வான்ஸ் ஒர்க்,பில் பெண்டிங்; ஒப்பந்ததாரர்கள் நல சங்கம் புகார்
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
For English News
