February 12, 2018 
தண்டோரா குழு
தமிழக சட்டப்பேரவையில் ஜெயலலிதா படம் திறக்கப்பட்டதற்கு எதிராக உயர்நீதிமன்றத்தில் திமுக சார்பில் முறையீடு செய்யப்பட்டுள்ளது.
தமிழக சட்டப்பேரவையில் தமிழக முன்னாள் முதல்வர் ஜெயலலிதாவின் உருவப்படம் இன்று திறக்கப்பட்டது. இதனை சபாநாயகர் தனபால் திறந்து வைத்தார். இதற்கிடையில், சட்டப்பேரவையில் ஜெயலலிதாவின் உருவப்படம் வைக்கப்பட்டதற்கு எதிர்ப்பு தெரிவித்து திமுக இவ்விழாவை புறக்கணித்தது.
இந்நிலையில், சட்டப்பேரவையில் திறக்கப்பட்டுள்ள ஜெயலலிதா படத்தை அகற்ற கோரி உயர்நீதிமன்றத்தில் திமுக முறையீடு செய்துள்ளது. அவசர வழக்காக தாக்கல் செய்ய உயர்நீதிமன்ற முதன்மை அமர்வு அனுமதி வழங்கியுள்ளது. சட்டமன்ற உறுப்பினர் ஜெ.அன்பழகன் சார்பில் உயர்நீதிமன்றத்தில் முறையீடு செய்யப்பட்டுள்ளது.
For English News
