December 23, 2021 
தண்டோரா குழு
கோவை வழித்தடத்தில் சபரிமலை சிறப்பு ரயில் இயக்கப்படுவதாக ரயில்வே நிர்வாகம் சார்பில் தெரிவிக்கப்பட்டுள்ளது.
இதுகுறித்து, சேலம் கோட்ட ரயில்வே நிர்வாகம் வெளியிட்டுள்ள செய்திக்குறிப்பில் தெரிவித்துள்ளதாவது:
சபரிமலை சீசனையொட்டி காக்கிநாடா } கொல்லம் இடையே சிறப்பு ரயில் இயக்கப்பட உள்ளது. அதன்படி, காக்கிநாடா ரயில் நிலையத்தில் இருந்து வருகின்ற 24 ஆம் தேதி இரவு 7.35 மணிக்கு புறப்படும் சிறப்புரயில்( எண்: 07139), மறுநாள் இரவு 11.45 மணிக்கு கொல்லம் நிலையத்தைச் சென்றடையும்.
அதேபோல், கொல்லத்தில் இருந்து டிசம்பர் 26 ஆம் தேதி இரவு 2.30 மணிக்கு புறப்படும் சிறப்பு ரயில், 28 ஆம் தேதி காலை 5.30 மணிக்கு காக்கிநாடா நிலையத்தைச் சென்றடையும். இந்த ரயில்களானது, காயன்குளம், மாவேலிக்கரா, செங்கன்னூர்,திருவள்ளா, கோட்டயம், எர்ணாகுளம் டவுன், திருச்சூர், பாலக்காடு, கோவை, ஈரோடு, சேலம், ஜோலார்பேட்டை, காட்பாடி, ரேணிகுண்டா, குடூர் உள்ளிட்ட நிலையங்களில் நின்று செல்லும் எனஅதில் தெரிவிக்கப்பட்டுள்ளது.
For English News
