March 31, 2021 
தண்டோரா குழு
கோவை தெற்கு தொகுதி பாஜக வேட்பாளர் வானதி ஸ்ரீனிவாசனை ஆதரித்து உத்தரப்பிரதேச முதல்வர் யோகி ஆதித்யநாத் பிரச்சாரம் மேற்கொண்டார்.
கோவை தெற்கு தொகுதியில் பாஜக சார்பில் போட்டியிடும் வானதி ஸ்ரீனிவாசனை ஆதரித்து பிரச்சாரம் மேற்கொள்ள உத்திரபிரதேச முதலமைச்சர் யோகி ஆதித்யநாத் இன்று கோவை வந்தார். தொடர்ந்து அவர் கோவை புளியகுளம் விநாயகர் கோவிலில் சுவாமி தரிசனம் செய்து தனது முதல் பிரச்சாரத்தை ஆரம்பித்தார்.
பின்னர் பிரச்சார வாகனத்தில் ஏறி இரட்டை விரலை காமித்து வாக்குகளை சேகரித்தார். தொடர்ந்து 5ஆயிரத்துக்கும் மேற்பட்ட அதிமுக பாஜக கூட்டணி கட்சியினர் வாகன பேரணி நடைபெற்றது. புளியகுளம் பகுதியில் துவங்கிய வாகன பேரணி ராமநாதபுரம், சுங்கம் ,உக்கடம் வழியாக சென்று தேர்நிலை திடலை வந்தடைந்து. இதில் பாஜக வானதி ஸ்ரீனிவாசனை ஆதரித்து தாமரை சின்னத்தில் வாக்களிக்கும் படி பிரச்சாரம் மேற்கொண்டு சென்றனர். தொடர்ந்து உத்திரபிரதேச முதல்வர் பொதுக்கூட்டத்தில் கலந்து கொண்டு உரையாடினார்.
For English News
