June 20, 2017 
தண்டோரா குழு
கோவை காந்திபுரம் காட்டூர் சோமசுந்தர மில்ஸ் சாலை, என்.டி.சி பஞ்சாலை எதிரே உள்ள காண்டெக் ரப்பர் இண்டஸ்ட்ரீஸ் நிறுவனத்தில் பணியாற்றும் தீபன் மசான் என்னும் வடமாநில இளைஞர் லிப்டில் சரக்கு ஏற்றி செல்லும் போது மேல் சுவற்றில் அவரது தலை மோதி சம்பவ இடத்திலேயே உயிரிழந்தார்.
இச்சம்பவம் தொடர்பாக சம்பவ இடத்திற்கு விரைந்து வந்த காட்டூர் காவல்துறையினர் மற்றும் தீயணைப்பு துறையினர் தீபன் மசானின் உடலை கைப்பற்றி பிரேத பரிசோதனைக்காக கோவை அரசு மருத்துவமனை மருத்துவமனைக்கு அனுப்பி வைத்தனர்.
இதனிடையே இச்சம்பவம் தொடர்பாக வழக்குப் பதிவு செய்து கடையின் உரிமையாளரிடம் காவல்துறையினர் விசாரனை மேற்கொண்டு வருகின்றனர்.
இப்பகுதியில் தொழிற்சாலைகளுக்கு தேவையான உதிரி பாகங்கள் விற்பனை செய்யும் கடைகள் அதிகம் அங்கு வடமாநிலத்தை சார்ந்த பல இளைஞர் பணிபுரிந்து வருகின்றனர் என்பது குறிப்பிடத்தக்கது. பணிபுரியும் இடத்தில் அவர்களது உயிர்களுக்கு தகுந்த பாதுகாப்பு அளிக்க வேண்டும் என அப்பகுதி மக்கள் கோரிக்கை விடுத்துள்ளனர்.
மேலும் இப்பகுதியில் நடைபெற்ற இந்த சம்பவம் வடமாநில இளைஞர்கள் மற்றும் பொதுமக்கள் இடையே பெரும் அதிர்ச்சியை ஏற்படுத்தி உள்ளது
For English News
