January 7, 2019 
தண்டோரா குழு
கோவை அருகே காரில் கொண்டுவரப்பட்ட ரூ.98 லட்சம் மதிப்புள்ள 350 சவரன் நகை கொள்ளையடிக்கப்பட்டது.
கேரள மாநிலம் திருச்சூரில் உள்ள கல்யாண் ஜுவல்லரியிலிருந்து கோவை காந்திபுரம் பகுதியில் உள்ள கல்யாண் ஜூவல்லரிக்கு தங்கம் மற்றும் வெள்ளிப் பொருட்களை பணியாளர்கள் வியாபாரம் தொடர்பாக அடிக்கடி கொண்டு வருவது வழக்கம்.அந்த வகையில் இன்று கல்யாண் ஜூவல்லரி ஊழியர்கள் அர்ஜுன், வில்பர்ட் ஆகிய இருவரும் சைலோ கார் மூலம் கேரளாவில் இருந்து கோவை நோக்கி கிட்டத்தட்ட 350 சவரன் தங்க நகையும், 243.320 கிராம் வெள்ளிப் பொருட்களையும் ஏற்றிக் கொண்டு வந்து கொண்டிருந்தனர்.
இந்நிலையில், காக்காசாவடியில் உள்ள ஆர்யாஸ் ஹோட்டல் அருகே வரும்பொழுது ,திடீரென அவர்கள் வந்த காரின் மீது இரண்டு கார்கள் மோதியது. அப்போது அந்த இரண்டு காரில் இருந்து இறங்கி வந்த 10 பேர் கொண்ட கும்பல் கல்யாண் ஜுவல்லரி நிறுவனத்தின் கார் கண்ணாடியை உடைத்தனர்.பின்னர், காரில் இருந்த நகைகளைகொள்ளையடித்து கோவை வழியாக தப்பி சென்றுள்ளனர். பறிபோன நகைகளின் மதிப்பு ரூ. 98 லட்சம் வரை ஆகும் என கூறப்படுகிறது.
இதையடுத்து, இது குறித்து தகவலறிந்து அங்கு வந்த க.க.சாவடி காவல்நிலைய போலீசார் இது குறித்து வழக்குப்பதிவு செய்து விசாரணை மேற்கொண்டு வருகின்றனர். மேலும், இந்த சம்பவம் தொடர்பாக குற்றவாளிகளை பிடிக்க போலீசார் சி.சி.டி.வி. கேமராக்களை கொண்டு ஆய்வு செய்து வருகின்றனர்.
மர்ம நபர்கள் வழிமறித்து, தங்கம் மற்றும் வெள்ளிப் பொருட்களை கொள்ளையடித்துச் சென்ற சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
For English News
