October 26, 2021 
தண்டோரா குழு
கோவை சின்னதடாகம் பகுதிகளில் மூடப்பட்டுள்ள செங்கல் சூளைகளை மீண்டும் இயக்க வலியுறுத்தி,செங்கல் சார்ந்த உற்பத்தியாளர்கள் மற்றும் அமைப்புகள் சார்பாக கவன ஈர்ப்பு ஆர்ப்பாட்டம் நடைபெற்றது.
கோவையை அடுத்த துடியலூர், சின்னத்தடாகம், வீரபாண்டி,பன்னிமடை உள்ளிட்ட சுற்றுப்புற பகுதிகளில் நூற்றுக்கும் மேற்பட்ட செங்கல் சூளைகள் செயல்பட்டு வந்தன.இந்நிலையில் செங்கல் சூளைகள் பயன்பாட்டுக்கு அனுமதியின்றி மண் அள்ளுவது,சுற்றுச்சூழல் பாதிப்பு என கனிம வளத்துறைக்கு தொடர்ந்து புகார் வந்ததை தொடர்ந்து, செங்கல் சூளைகள் இயங்க தடை விதிக்கப்பட்டது.இதனால் அங்கு பணியாற்றி வந்த பல்லாயிரக்கணக்கான தொழி லாளர்கள் வேலை இழந்து தவித்து வருகின்றனர்.
இந்நிலையில் செங்கல் சூளை தொழிலை மீட்டெடுக்க கோரி, கோவை மாவட்ட செங்கல் உற்பத்தியாளர் சங்க உறுப்பினர்கள் மற்றும் உற்பத்தியாளர்கள் நலச்சங்கம் உட்பட செங்கல் உற்பத்தி சார்ந்த அமைப்புகள் சார்பாக கோவை சின்னத்தடாகம் பகுதியில் கவன ஈர்ப்பு ஆர்ப்பாட்டம் நடைபெற்றது.
தடாகம் செங்கல் தொழில் நலச்சங்க அமைப்பாளர்கள் கோபிநாத், பரசுராமன், சுதாகர், பிரதீப் ஆகியோர் ஒருங்கிணைப்பில் நடைபெற்ற இதில்,ஐநூறுக்கும் மேற்பட்டோர் செங்கல் தொழிலை மீட்டெடுக்க வேண்டும் என வலியுறுத்தும் பதாகைகளை தங்கள் கைகளில் ஏந்தியவாறு கோஷங்கள் எழுப்பினர்.
ஆர்ப்பாட்டத்தில் விறகு வியாபாரிகள் சங்க தலைவர் சிவகணேஷ், மளிகைக்கடை வியாபாரிகள் சங்கம் தலைவர் மயில்சாமி, மார்க்சிஸ்ட் கம்யூனிஸ்ட் கட்சி மாவட்ட செயற்குழு உறுப்பினர் கேசவமணி உட்பட 250க்கும் மேற்பட்ட செங்கல் உற்பத்தியாளர்கள், தொழிலாளர்கள், விறகு வியாபாரிகள் பலர் கலந்துக்கொண்டனர். இந்த ஆர்ப்பாட்டத்திற்கு ஆதரவாக தடாகத்திலுள்ள அனைத்து கடைகளும் மூடப்பட்டு இருந்த்து குறிப்பிடத்தக்கது.
கோவை பன் மாலில் ” Feel Like a Soldier ” எனும் தலைப்பில் மாணவர்களுக்கான ராணுவ அனுபவ நிகழ்வு
கோவையில் நடைபெற்ற மருத்துவர்களுக்கான மாநில அளவிலான கருத்தரங்கு
சுதந்திர தினவிழாவில் சிறந்த இந்திய குடிமகன் எனும் விருதுகள் வழங்கி கௌரவித்த பாரதமாதா அறக்கட்டளை
கோவையை சேர்ந்த எழுத்தாளர் உருவாக்கிய இந்தியாவின் முதல் ‘மிரர் எடிஷன்’ புத்தகம்
ஈஷா மண் காப்போம் மற்றும் எஸ்.ஆர்.எம் பல்கலைக்கழகம் சார்பில் ‘அக்ரி ஸ்டார்ட் அப் திருவிழா 2.O’
PSGR கிருஷ்ணம்மாள் மகளிர் கல்லூரியில் நடைபெற்ற பட்டமளிப்பு விழாவில் 2540 மாணவிகள் பட்டம் பெற்றனர்
For English News
