ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
“ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
ராகுல் காந்தி கைது – தவெக தலைவர் விஜய் கண்டனம்
செத்து சாம்பல் ஆனாலும் தனித்துதான் போட்டி – சீமான்
பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

கோவையில் மாரியம்மன் கோவில் தடுப்பணைக்கு புத்துயிர் கொடுத்த சிறுதுளி அமைப்பு

December 24, 2024

தண்டோரா குழு

கோவை சிட்டி ரவுண்ட் டேபிள் 31 மற்றும் கோயம்புத்தூர் சிட்டி லேடீஸ் சர்க்கிள் 16 ஆகிய இரு சமூக சேவை அமைப்புகள் இணைந்து கோவைப்புதூர் மாரியம்மன் கோயில் தடுப்பணையை நீர் மேலாண்மை துறையில் திறம்பட செயல்படும் சிறுதுளி அமைப்புடன் இணைந்து புனரமைத்துள்ளன. இந்த 3 அமைப்புகளால் முன்னெடுக்கப்பட்ட இந்த முயற்சிக்கு ஸ்டால்வார்ட் குழும நிறுவனங்கள் ஆதரவளித்தது.

இதன் துவக்க நிகழ்வு செவ்வாய்க்கிழமை (24.12.24) நடைபெற்றது.கோவை மாநகராட்சி துணை மேயர் ஆர்.வெற்றிசெல்வன்,சிறுதுளியின் நிர்வாக அறங்காவலர் வனிதா மோகன், கோயம்புத்தூர் நகர வட்டமேசை 31 தலைவர் லட்சுமிகாந்த் கிருஷ்ணன் மற்றும் கோயம்புத்தூர் நகர மகளிர் வட்டம் 16 தலைவர் ஆர்.எஸ்.வித்யா ஆகியோர் முன்னிலையில் தொடங்கிவைக்கப்பட்டது.

இது பற்றி கோயம்புத்தூர் நகர வட்ட மேசை 31 தலைவர் லட்சுமிகாந்த் கிருஷ்ணன் கூறுகையில்:-

இந்த தடுப்பணை 1.5 ஏக்கர் நீளம் கொண்டது,மொத்தம் 8000 கன மீட்டர் மற்றும் 80 லட்சம் லிட்டர் கொள்ளளவு கொண்டது.அறிவொளி நகர் மற்றும் கோவைப்புதூர் இடையே அமைந்துள்ள இந்த தடுப்பு அணை மேற்கு தொடர்ச்சி மலையில் இருந்து உருவாகும் ஓடையை ஒட்டி அமைந்துள்ளது.

விரைவான நகரமயமாதலில் இப்பகுதி கடுமையான தண்ணீர் பஞ்சத்தை எதிர்கொண்டுள்ளது. நிலம் வறண்டு கிடப்பதுடன், போர்வெல்கள் பலனளிக்க சூழல் இருந்ததால் அவசரத்தை உணர்ந்து, சிறுதுளி, கோயம்புத்தூர் நகர வட்டமேசை 31 மற்றும் கோயம்புத்தூர் நகர பெண்கள் வட்டம் 16, மாரியம்மன் கோயில் தடுப்பு அணையை புதுப்பிக்கும் பணியை மேற்கொண்டன.

அக்டோபரில் தூர்வாருதல் மற்றும் மறுசீரமைப்பு பணியை சிறுதுளி தொடங்கியது. இதனால் தற்போது 24 மில்லியன் லிட்டர் தண்ணீரை சேமித்து ரீசார்ஜ் செய்ய முடிந்துள்ளது. ரூ.9.22 லட்சம் செலவில் சரியான நேரத்தில் செயல்படுத்தியதற்கு ஸ்டால்வார்ட் மற்றும் சிறுதுளிக்கு நன்றிகளை தெரிவித்துக்கொள்கிறோம்.

சிறுதுளியின் நிர்வாக அறங்காவலர் வனிதா மோகன் கூறும்போது,

“நாங்கள் தடுப்பணையைச் சுற்றி தோட்டங்களை மேற்கொள்ளவும், நீர் பாதுகாப்பை மேலும் மேம்படுத்துவதற்காக பல மேல்நிலை கட்டமைப்புகளை தூர்வாரவும் திட்டமிட்டுள்ளோம்,” என்று அவர் கூறினார்.

கோவையில் மாரியம்மன் கோவில் தடுப்பணைக்கு புத்துயிர் கொடுத்த சிறுதுளி அமைப்பு

மேலும் படிக்க

டிரெய்லர்கள் & டீஸர்கள்

வைரல் வீடியோக்கள்

கோயில்கள்

ஜோதிடம்