June 9, 2017 
தண்டோரா குழு
கோவை அடுத்த இருகூர் பகுதியில் மது அருந்திவிட்டு மனைவியிடம் தகராறில் ஈடுபட்ட கணவனை, அவரது மனைவி கழுத்தை நெறித்து கொன்ற சம்பவம் அப்பகுதியில் பெரும் பரபரப்பை ஏற்படுத்தியுள்ளது.
கோவை அடுத்த இருகூர் பகுதியை சேர்ந்தவர் ஈஸ்வரன். இவர் தேங்காய் வியாபாரம் செய்து வருகிறார். இவர் தினமும் மது அறிந்திவிட்டு தனது மனைவி பாரிமளாவிடம் தகராறில் ஈடுபடுவார் எனக் கூறப்படுகிறது.
இந்நிலையில் நேற்று இரவு ஈஸ்வரன் வீட்டில் தூக்கில் தொங்கியப்படி சடலமாக கிடந்துள்ளார். சம்பவ இடத்திற்கு விரைந்து சென்ற காவல்துறையினர் அவரது மனைவி பரிமாளவிடம் விசாரணை மேற்கொண்டனர். இதில் பரிமாளா முன்னுக்கு பின் முரணாக பதிலளித்துள்ளார்.
சம்பவத்தன்று ஈஸ்வரன் வழக்கம் போல் மது அருந்திவிட்டு மனைவியிடம் தகராறில் ஈடுபட்டதாகவும், அந்த தகராறில் அவரது மனைவி பரிமளா அவர் கழுத்தை நெறித்து கொன்றதாகவும் காவல் துறையினரின் முதல் கட்ட விசாரணையில் தெரியவந்துள்ளது. இதனை அடுத்து பரிமாளா மற்றும் கொலையை மறைக்க உடந்தையாக செயல்பட்ட பரிமளாவின் அண்ணன் ஆகியோர் கைது செய்யப்பட்டனர்.
For English News
