November 10, 2018 
தண்டோரா குழு
இந்தியாவிலேயே முதன் முறையாக கோவையில் போக்குவரத்து போலீசாருக்காக நிறுவப்பட்ட நிழற்குடையுடன் கூடிய ‘பயோ டாய்லெடை போக்குவரத்து துணை ஆணையர் இன்று திறந்து வைத்தார்.
சாலை போக்குவரத்தை ஒழுங்குபடுத்தும் காவலர்களுக்கு சிக்னலுக்கு இடைய நிழற்குடை அமைக்கப்படும் ஆனால் பெரும்பாலான நிழற்குடைகள் போதிய பராமரிப்பு இன்றி காணப்படுவதால் போக்குவரத்து காவலர்கள் மழை வெயில் நின்று பணியாற்ற வேண்டி நிலையில் உள்ளனர். கழிவறைக்கு செல்ல வேண்டும் என்றால் உடனடியாக செல்ல முடியாது குறிப்பாக பெண் காவலருக்கு கழிப்பறை இல்லாதது மிக பெரிய சிரமமாகவே இருந்து வந்தது.
இந்நிலையில் இதற்கு தீர்வு காணும் நோக்கத்தில் கோவை அவினாசி சாலையில் உள்ள அரசு மருத்துவக்கல்லூரி சிக்னலில் கழிவறையுடன் கூடிய நிழற்குடை அமைக்கப்பட்டுள்ளது. நாட்டிலேயே முதன்முறையாக போக்குவரத்து போலீசாரின் வசதிக்காக ‘பயோ டாய்லெட்’ உடன் கூடிய நிழற்குடை சுமார் ரூ. 4 லட்சம் மதிப்பில் தனியார் நிறுவன உதவியுடன் அமைக்கப்பட்டுள்ளது. இந்த பயோ டாய்லெட்டை இன்று பார்க் நிறுவனத்தின் துணைத் தலைவர் முரளிதரன்யுடன் இணைந்து இன்று போக்குவரத்து துணை ஆணையர் சுஜீத் குமார் திறந்து வைத்தார்.
இது குறித்து பார்க் தகவல் தொழில் நுட்ப குழுமத்தின் துணைத் தலைவர் முரளிதரன் கூறுகையில்,
இங்கு சிக்னலில் நிற்கும் போக்குவரத்து காவலர்கள் படும் கஷ்டங்களை நான் பார்த்துள்ளேன். அவர்களுக்கு ஏதாவது செய்ய வேண்டும் என்று நினைத்து போக்குவரத்து காவலர் உதவியுடன் இந்த பயோ டாய்லெட் அமைத்துள்ளோம். நிழற்குடையுடன் கூடிய இந்த பயோ டாய்லெட் வாகன புகையில் இருந்து தற்காத்துக்கொள்ளும் வகையில் கண்ணாடி அறை, பேன், லைட் போன்ற அனைத்து வசதிகளுடன் அமைக்கப்பட்டுள்ளது. மேலும் இந்த பயோ டாய்லெட்டுக்கு அதிகப்படியான தண்ணீர் தேவைப்படாது. இதற்காக சாலையில் எந்தவித குழிகளையும் தோண்ட தேவையில்லை. இவை முற்றிலுமாக பாதுகாப்பானது சுகாதாரமானது என்றார்.
மேலும் போக்குவரத்து போலீசாருக்கு தமிழகத்தில் பல்வேறு சிக்னல்களில் இந்த பயோ டாய்லெட்டை அமைக்கவும் முடிவு செய்யப்பட்டுள்ளதாக கூறியுள்ளார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
