December 31, 2018 
தண்டோரா குழு
கோவையில் புத்தாண்டு நிகழ்ச்சிகளுக்கு தடை விதிக்க வேண்டும் என்று தமிழ்நாடு ராமர் சேனா அமைப்பினர் மாவட்ட ஆட்சியரிடம் புகார் மனு அளித்தனர்.
தமிழ்நாட்டில் தமிழர்கள் ஆங்கில புத்தாண்டை கொண்டாடும் அளவிற்கு, தமிழ் புத்தாண்டை வரவேற்பதில்லை. மேலும் ஆங்கிலேய கலாச்சாரம் நம் தமிழ்நாட்டில் அதிக அளவில் பரவி வருகிறது. இதன் பாதிப்பாக, நள்ளிரவில் அதிக அளவில் விபத்துக்கள் நடக்கின்றன, மேலும் மதுபாட்டில்களை சாலையில் உடைத்தல், பெண்களிடம் தவறான முறையில் நடந்து கொள்ளுதல், போன்ற கலாச்சார சீரழிவுகள் மிகவும் அதிகமாக வருடாவருடம் நடந்துகொண்டு வருகிறது. இதை முற்றிலும் தடுக்கும் விதமாக ராமர் சேனா அமைப்பின் சார்பாக மாவட்ட ஆட்சியரிடம் நிறுவன தலைவர் ஆறுமுகம் கோவை மாவட்ட தலைவர் பிரபாகரன்
கோவை மண்டல தலைவர் மகேந்திரன் ராம சேனா அமைப்பின் தொண்டர்கள் குழுவாக மாவட்ட ஆட்சியரை சந்தித்து மனு அளித்தனர்.
பின்னர் செய்தியாளர்களை சந்தித்த நிறுவன தலைவர் ஆறுமுகம் கூறுகையில்,
புத்தாண்டை கொண்டாடுவதில் மிகவும் மகிழ்ச்சி அடைகிறேன். ஆனால் புத்தாண்டு பிறக்கும் அன்று இரவு பொதுமக்களுக்கு மிகவும் இன்னல்களை ஒரு சிலர், ஏற்படுத்தி விடுகின்றனர். உதாரணமாக மதுபாட்டில்களை சாலையில் உடைத்தல், இரவு நேரங்களில் பயங்கரமாக வாகனங்களை இயக்கி, விபத்துக்களை ஏற்படுத்துதல் போன்ற பல்வேறு நிகழ்ச்சிகள் நடைபெற்று வருகின்றது. இதையெல்லாம் தடுத்து நிறுத்த வேண்டும் என மாவட்ட ஆட்சியரிடம் மனு அளித்துள்ளோம் எங்களின் கோரிக்கை மனுவை ஏற்றுக்கொண்ட ஆட்சியர் சிறப்பான முறையில் செயல்படுவார் என எதிர்பார்க்கிறோம் என கூறினார்.
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
கீரைக்கடை.காம் நிறுவனத்தின் புதிய தயாரிப்பான ‘ஹெர்பல் டீ ட்விஸ்ட்’ அறிமுகம்
For English News
