May 19, 2020 
தண்டோரா குழு
கோவையில் திமுக நாடாளுமன்ற உறுப்பினர் தயாநிதி மாறன் மீது எஸ்சி எஸ்டி பிரிவில் வழக்குப்பதிவு செய்யப்பட்டுள்ளது.
கொரோனா ஊரடங்கு அமலில் இருக்கும் நிலையில், திமுகவின் ஒன்றிணைவோம் வா என்ற திட்டத்தின் கீழ் மக்களிடம் இருந்து கோரிக்கைகள் பெறப்பட்டன. அவற்றில், ஒரு லட்சம் கோரிக்கை மனுக்களை கடந்த 13ம் தேதி தலைமை செயலாளர் சண்முகத்திடம் திமுக எம்பிக்கள் வழங்கினர்.
மனுக்களை தலைமை செயலாளரிடம் கொடுத்த பின்னர் திமுக எம்பிக்களான தயாநிதி மாறன் மற்றும் டி.ஆர்.பாலு செய்தியாளர்களை சந்தித்து பேசினர். அப்போது, தலைமை செயலாளர் சண்முகம், எம்பிக்களான தங்களை மூன்றாம் தர மக்கள் போல நடத்தியதாகவும் நாங்கள் என்ன தாழ்த்தப்பட்டவர்களா என்று சர்ச்சைக்குரிய வகையில் தயாநிதி மாறன் பேசினார்.
இதனால் பல்வேறு தரப்பில் இருந்தும் விமர்சனங்களும் எழுந்தன.
இந்த நிலையில் திமுக நாடாளுமன்ற உறுப்பினர் தயாநிதி மாறனின் பேச்சு, பட்டியல் சமூக மக்களைக் கேவலப்படுத்தும் வகையில் உள்ளதாகக் கூறி நாடாளுமன்ற உறுப்பினர் தயாநிதி மாறன் மீது கோவை வரைட்டி ஹால் ரோடு காவல் நிலையத்தில் ஜெகநாதன் என்பவர் புகார் அளித்தார். புகாரை ஏற்றுக்கொண்ட காவல்துறையினர் எஸ்சி எஸ்டி பிரிவில் வழக்கு பதிவு செய்துள்ளனர்.
டிவிஎஸ் மோட்டார் நிறுவனத்தின் அற்புதமான மின்சார வாகனம் டிவிஎஸ் ஆர்பிட்டர் கோவையில் அறிமுகம்
கோவை நிர்மலா மகளிர் கல்லூரியில் 78 புரிந்துணர்வு ஒப்பந்தம் கையெழுத்திடும் விழா
பிஎஸ்ஜி நர்சிங் கல்லூரி நிறுவனர் நாள் விழா
இந்தியாவிலேயே முதல்முறையாக KMCH மருத்துவமனைக்குடிலாய்ட் நிறுவனத்தின் கவுரவ விருது!
டிஜிட்டல் கைது’ மோசடிக்கு எதிராக என்பிசிஐ மக்களிடம் விழிப்புணர்வு ஏற்படுத்துகிறது
பண்டிகை கால கடன் விகிதம் 27 சதவீதம் அதிகரிப்பு, பஜாஜ் நிதி நிறுவனத்தில் முதல் முறையாக கடன் வாங்குபவர்களின் எண்ணிக்கை 52 சதவீதமாக உயர்வு
For English News
