January 24, 2019 
தண்டோரா குழு
கோவையில் தேசிய அளவிலான இடுப்பு எலும்பு மூட்டு மாற்று அறுவை சிகிச்சை நிபுணர்கள் மாநாடு வரும் 27 ம்தேதி துவக்கம். முதன் முறையாக கோவையில் நடைபெற உள்ள இதில் இந்தியாவின் பல்வேறு பகுதிகளை சேர்ந்த 100 க்கும் மேற்பட்ட எலும்பு சிகிச்சை நிபுணர்கள் கலந்து கொள்ள உள்ளனர்.
இடுப்பு எலும்பு மாற்று அறுவை சிகிச்சையில் பல்வேறு நவீன முறைகள் குறித்த அறுவை சிகிச்சை நிபுணர்கள் மாநாடு கோவையில் வரும் 27 ம்தேதி நடைபெற உள்ளது. இது குறித்த செய்தியாளர்கள் சந்திப்பு கோவை பூமார்க்கெட் பகுதியில் உள்ள ரெக்ஸ் மருத்துவமனை வளாகத்தில் நடைபெற்றது.
இது குறித்து செய்தியாளர்களிடம் பேசிய மருத்துவமனை தலைவர் மருத்துவர் ரெக்ஸ்,
இடுப்பு எலும்பு மூட்டு மாற்று அறுவை சிகிச்சை குறித்த இந்த மாநாடு முதன் முறையாக கோவையில் நடைபெற உள்ளது. இந்த மாநாட்டில்,இடுப்பு எலும்பு மூட்டு மாற்று சிகிச்சை சார்ந்த மருத்துவத்தில் உள்ள முக்கிய அம்சங்கள், இந்த சிகிச்சை தொடர்பான பல்வேறு புதிய வாய்ப்புகள் பற்றி இந்த மாநாட்டில் விவாதிக்கப்பட உள்ளது. நாடெங்கிலும் உள்ள இத்துறை சார்ந்த மருத்துவர்களுக்கு பல புதிய விஷயங்களை தெரிந்துகொள்ளவும், உலகளாவிய நிபுணர்களின் அனுபவங்களை கேட்டு தெரிந்துகொள்ள கருத்தரங்கு, நேரடி ஆபரேஷன் ஒளிபரப்பு ஆகிய வசதிகள் இந்த மாநாட்டில் ஏற்பாடு செய்ய உள்ளது. மருத்துவர்கள் எலும்பியல் தொடர்பான சிகிச்சையில் நோயாளிகளின் பிரச்சினைகளைக் கண்டறியவும்,குறிப்பாக இடுப்பு எலும்புமூட்டு மாற்று அறுவைச் சிகிச்சையில் நவீன தொழில்நுட்பங்கள் குறித்து இந்தியாவின் பல்வேறு பகுதிகளில் இருந்து தலை சிறந்த அறுவை சிகிச்சை நிபுணர்கள் இதில் கலந்து கொண்டு பேச உள்ளதாக தெரிவித்தார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
