October 21, 2019
கோவை மாவட்ட விஜய் மாணவரணி தலைமை தளபதி மக்கள் இயக்கம் சார்பில் இன்று சிறுநீரகம் பாதிக்கப்பட்ட நபருக்கு உதவி தொகை வழங்கபட்டது.
தீபாவளியை முன்னிட்டு நடிகர் விஜய் நடித்த பிகில் படம் வெளியாக உள்ள நிலையில் தமிழகத்தில் உள்ள விஜய் மக்கள் இயக்கம் சார்பில் பல்வேறு சேவை பணிகளை தொடர்ந்து செய்து வருகின்றனர். இதனை தொடர்ந்து கோவை மாவட்ட மாணவரணி தலைமை தளபதி மக்கள் இயக்கம் சார்பில் பிளக்ஸ் பேனர்கள் வைப்பதை தவிர்த்து விட்டு ஏழை எளியவர்களுக்கு நலத்திட்ட உதவி போன்ற சேவைப் பணியை மேற்கொண்டு வருகின்ற நிலையில் இன்று கோவை 100 அடி சாலையில் விஜய் மக்கள் இயக்கத்தின் அலுவலகத்தில் செல்வபுரம் பகுதியை சேர்ந்த சரவணன் என்பவர் சிறுநீரகம் பாதிக்கப்பட்ட நிலையில் அவருக்கு சிகிச்சைக்கான உதவி தொகை வழங்கப்பட்டது.
இந்த உதவித் தொகையினை சிறப்பு விருந்தினராக கலந்துகொண்ட சமூக ஆர்வலர் JRD என்ற ராஜேந்திர ஜெயகோபால் அவர்கள் தலைமையில் வழங்கபட்டது.இந்நிகழ்ச்சியில் மாவட்டதலைவர் பாபு ,தேன்குமார் ,ரியாஷ், நயீம், தளபதிகண்ணன் ,கோவை பசீர், கோவிந்தராஜ், ஷாஜஹான் ,கிரேஷ் அரவிந்த், ஜெகதிஷ் ஆகியோர் கலந்துகொண்டு விழாவை சிறப்பித்தனர்.