April 21, 2020 
தண்டோரா குழு
கொரோனோ தொற்றில் இருந்து குணமடைந்த கோவை,திருப்பூர் மாவட்டங்களை சேர்ந்த 32 பேர் கோவையில் ” டிஸ்சார்ஜ் “.கோவை கலெக்டர் ராசாமணி,மேற்கு மண்டல ஐ.ஜி பெரியய்யா பழக்கூடை வழங்கியும்,கைகளை தட்டியும் உற்சாகமாக வழியனுப்பி வைத்தனர்.
கோவை மாவட்டத்தில் 133 பேருக்கு கொரோனா தொற்று உறுதி செய்யப்பட்டு சிகிச்சை பெற்று வந்தனர். மேலும், இதுவரை 46 பேர் டிஸ்சார்ஜ் செய்யப்பட்டிருந்தனர். இந்நிலையில், இ.எஸ்.ஐ.,மருத்துவமனையில் கொரோனா பாதிப்புடன் சிகிச்சை பெற்று வந்தவர்களில், 3 குழந்தைகள் உட்பட 32 பேர் குணமடைந்து வீட்டுக்கு அனுப்பி வைக்கப்பட்டனர். இதில், 29 பேர் கோவை மற்றும் 3 பேர் திருப்பூரைச் சேர்ந்தவர்கள் ஆவர். இதன் மூலம், கோவை மாவட்டத்தில் இதுவரை குணமடைந்தவர்களின் எண்ணிக்கை 75 ஆக உயர்ந்துள்ளது.
கோவை மாவட்ட ஆட்சியர் ராசாமணி,மேற்கு மண்டல ஐ.ஜி பெரியய்யா ,ஈ.எஸ்.ஐ மருத்துவக்கல்லூரி மருத்துவமனை முதல்வர் நிர்மலா உள்ளிட்டோர் கலந்து கொண்டு கொரோனா தொற்றில் இருந்து பூரண குணமடைந்தவர்களை பழக்கூடைகளை கொடுத்து வழியனுப்பி வைத்தனர். மேலும்,குணமடைந்து வீட்டிற்கு அனுப்பி வைக்கப்பட்டவர்களை மாவட்ட ஆட்சியர் ராசாமணி,மேற்கு மண்டல ஐ.ஜி பெரியய்யா,ஈ.எஸ்.ஐ மருத்துவக்கல்லூரி மருத்துவமனை முதல்வர் நிர்மலா, மருத்துவமனை ஊழியர்கள் மற்றும் தூய்மைப்பணியாளர்கள் உற்சாகமூட்டும் வகையில் கைகளை தட்டி வழியனுப்பி வைத்தனர்.
பின்னர்,செய்தியாளர்களிடம் பேசிய
மாவட்ட ஆட்சியர் ராசாமணி,
கோவை மாவட்டத்தில் கொரோனா வைரஸ் தடுப்பு நடவடிக்கைகள் முழு வீச்சில் நடந்து வருகிறது. கொரோனா தொற்றினால் சிகிச்சை பெற்றவர்களின் முழு ஒத்துழைப்போடு மட்டுமே சாத்தியமானது. அவர்களுக்கு மாவட்ட நிர்வாகத்தின் சார்பில் நன்றியை தெரிவித்து கொள்கிறேன்.
சந்தேகப்படும் இடங்களில் அறிகுறியுடன் யாராவது இருக்கிறார்களா என மக்கள் நல் வாழ்வு துறை, வருவாய்துறை, காவல்துறை மற்றும் உள்ளாட்சி அமைப்புகள் மூலம் சோதனை செய்யப்பட்டு வருகிறது.டிஸ்சார்ஜ் செய்யப்பட்டவர்கள் வீட்டுக்கு சென்றாலும் டாக்டர்கள் சொன்ன அறிவுரையை தவறாது பின்பற்ற வேண்டும். கோவை மாவட்டத்திற்கு, முதல்கட்டமாக 2000 ரேபிட் டெஸ்ட் கிட் கருவிகள் மற்றும் மேலும் 1200 கருவிகள் வரப்பெற்றுள்ளது.அதில், 1000 கருவிகள் கொண்டு சோதனை செய்யப்பட்டதில் 8 பேருக்கு பாசிட்டிவ் என வந்துள்ளது. ஆனாலும், இது நோய் அறிகுறி இருக்கிறதா என நேரடியாக பார்ப்பதற்கான கருவி அல்ல. ஆர்.டி.பி.சி.ஆர், என்ற பரிசோதனையில் மட்டுமே தொற்று இருக்கிறதா இல்லையா என்று முழுமையாக தெரிந்து கொள்ள முடியும்.100 சதவிகித கொரோனா வைரஸ் தொற்று இல்லா மாவட்டமாக இருப்பதற்கு மக்கள் முழுமையாக அரசிற்கு ஒத்துழைக்க வேண்டும் எனவும் வேண்டுகோள் விடுத்துள்ளார்.
சுந்தரி கிருஷ்ணகுமார் காலமானார்
விபத்தில் உயிரிழந்தவர்களுக்கு அஞ்சலி செலுத்திய கேம்போர்டு இன்டர்நேஷனல் பள்ளி மாணவர்கள்
ஸ்கோடா பிராண்ட் இந்தியாவில் நன்கு வலுப்படுத்தி, 2025-ஆம் ஆண்டு ஒரு வளர்ச்சியின் ஆண்டாக உருவாகிவருகிறது
கோவையில் 3 நாட்கள் நடைபெறும் ஆசிய நுண்கலை நகை கண்காட்சி 2025 இன்று துவங்கியது !
நாடு தழுவிய ஐ கேர் மான்ஸூன் சர்வீஸ் கேம்ப் இசுசு மோட்டார்ஸ் இந்தியா நடத்துகிறது
வரும் 16ம் தேதி கோவை மாவட்ட காவல்துறையின் வாகன பொது ஏலம் நடைபெறுகிறது
