July 26, 2021 
தண்டோரா குழு
கோவையில் காவலர்களுக்கான உடற்தகுதித் தேர்வு நடைபெற்றது.
கோவை அவிநாசி சாலையில் உள்ள காவலர் பயிற்சி மைதானத்தில் காவலருக்கான உடற்தகுதித் தேர்வு இன்று துவங்கியது. காவல் தீயணைப்பு மற்றும் சிறைத் துறையில் காலியாக உள்ள 11,813 இரண்டாம் நிலை காவலர் காண எழுத்துத் தேர்வு கடந்த ஆண்டு டிசம்பர் 13ஆம் தேதி தமிழகம் முழுவதும் நடைபெற்றது.
இதை ஒட்டி எழுத்துத் தேர்வில் தேர்ச்சி பெற்றவர்களுக்கான உடல்தகுதி தேர்வு தமிழகம் முழுவதும் இன்று துவங்கியது.இதேபோல் கோவை அவினாசி ரோட்டில் உள்ள காவலர் பயிற்சி மைதானத்தில் காவலருக்கான உடற்தகுதி தேர்வு இன்று காலை ஆறு மணிக்கு துவங்கியது இதில் சான்றிதழ் சரிபார்ப்பு உள்ளிட்ட பணிகள் மேற்கொள்ளப்பட்டது. முதலில் 1500 மீட்டர் ஓட்டம் நடைபெற்றது.
இதில் தேர்ச்சி பெற்றோருக்கு கயிறு ஏறுதல் 400 மீட்டர் ஓட்டம், நீளம் தாண்டுதல் மற்றும் உயரம் தாண்டுதல் உள்ளிட்ட போட்டிகள் நடைபெற்றன. இதையொட்டி கோவை காவலர் பயிற்சி மைதானத்தில் அதற்கான ஏற்பாடுகள் தீவிரமாக நடைபெற்றது.
For English News
