November 18, 2019 
தண்டோரா குழு
கோவை குனியமுத்தூரில் வாலிபரை கடத்தி பணம் கேட்டு மிரட்டிய வழக்கில் சென்னையை சேர்ந்த முன்னா என்பவரை குனியமுத்தூர் தனிப்படை போலீஸார் கூடலூரில் வைத்து கைது செய்தனர்.
கோவை குனியமுத்தூர் முத்துசாமி வீதியை சேர்ந்தவர் மணிகண்டன். கடந்த இரண்டு ஆண்டுகளாக புதிய இரு சக்கர வாகனம் மற்றும் கார்களை அடமானம் வைப்பவர்களிடம் காரை பெற்று பணம் வாங்கி கொடுக்கும் வேலையை செய்து வருகிறார்.
இந்நிலையில் கடந்த சில மாதங்களுக்கு முன் மதுக்கரையை சேர்ந்த சலீம் என்பவர் கொடுத்த காரை, கரும்புக்கடையை சேர்ந்த சதாம் உசேன் என்பவரிடம் அடமானம் வைத்து ரூ.4 லட்சம் பணம் பெற்றதாக தெரிகிறது. இந்த நிலையில் மணிகண்டன் அடமானத்திற்கு வைத்த கார் மாயமானதாகவும், காருக்கான பணம் ரூ.5 லட்சத்தை கேட்டு மணிகண்டன், சலீல் இரண்டு பேரையும் சதாம் உசேன் உள்ளிட்ட கும்பல் கடத்தி சென்று அவரை சரமாரியாக தாக்கி உள்ளனர். படுகாயமடைந்த மணிகண்டன் கோவை மருத்துவமனையில் சிகிச்சை பெற்ற நிலையில் கரும்புக்கடையை சேர்ந்த சதாம் உசேன், இம்ரான், முன்னா, சுல்தான், சானவாஸ் உள்ளிட்டோர் மீது 7 பிரிவுகளின் கீழ் வழக்கு பதிவு செய்த குனியமுத்தூர் போலீசார் , தனிப்படை அமைத்து தலைமறைவாக உள்ள நபர்களை தேடி வந்தனர்.
இதில் சானாவாஸ் ஏற்கனவே கைது செய்யப்பட்ட நிலையில், கூடலூரில் தலைமறைவாக இருந்த சென்னையை சேர்ந்த முன்னா (32) என்பவரை குனியமுத்தூர் தனிப்படை போலீஸார் கூடலூர் உள்ளூர் போலீஸார் உதவியோடு கைது செய்தனர். கைது செய்யப்பட்ட முன்னா 2011 ஆம் ஆண்டு கிருஸ்ணகிரியில் ஒரு கொலை வழக்கும், 2013 ஆம் ஆண்டு திருநெல்வேலியில் வெடி மருத்து வழக்கும் சி.பி.சி.ஐ.டியில் உள்ளது. 2015 ம் ஆண்டு புழல் சிறை கலவரத்திலும் தொடர்புடையவர் என்பதும் விசாரணையில் தெரியவந்தது.
நாடாளுமன்றத் தேர்தலில் அ.தி.மு.க.கூட்டணிக்கு ஆதரவு ஐக்கிய முஸ்லிம் முன்னேற்ற கழகம் அறிவிப்பு
பி.எஸ்.ஜி பாலிடெக்னிக் கல்லூரியில் மாணவர்களின் படைப்புகள் கண்காட்சி
வாக்களிக்கும் உரிமையையும், பொறுப்பையும் கையிலெடுங்கள்! – சத்குரு
குமரகுரு கல்லூரி மாணவர்களால் உருவாக்கப்பட்ட எரிசக்தி படகு, சர்வதேச போட்டியில் மூன்றாவது முறையாக பங்கேற்கிறது!
மாற்றுத்திறனாளி இளைஞர்களும் ஆன்லைன் உணவு டெலிவரி செய்யும் வகையில் புதிய எலக்ட்ரிக் சைக்கிள் !
கோயமுத்தூர் இன்னர் வீல் கிளப் சார்பாக அரசு தொடக்கப்பள்ளிக்கு புதிய வகுப்பறைகள் அர்ப்பணிப்பு
For English News
