March 16, 2017 
தண்டோரா குழு
கோவை சர்வதேச விமான நிலையத்திலிருந்து இலங்கைக்கு ஸ்ரீலங்கன் ஏர்லைன்ஸ் விமான சேவை நிறுவனம் வாரத்திற்கு நான்கு நாட்கள் சேவையை வழங்கவுள்ளது.
கோவை சர்வதேச விமான நிலையத்தில் இருந்து இதுவரை இரண்டு சர்வதேச விமான நிறுவனங்கள் தங்களது சேவைகளை வழங்கி வருகின்றன. அதன்படி, ஐக்கிய அமீரக நாடான துபாய்க்கு ஏர் அரேபியா விமான சேவை நிறுவனமும், சிங்கபூருக்கு “சில்க் ஏர்” விமான நிறுவனமும் சேவை புரிந்து வருகின்றன.
இந்நிலையில், கோவை சர்வதேச விமான நிலையத்தில் இருந்து இலங்கையின் கொழும்பு நகருக்கு ஸ்ரீலங்கன் ஏர்லைன்ஸ் விமான சேவை நிறுவனம் சேவை வழங்கவுள்ளது. கோவையிலிருந்து கொழும்புக்கும், கொழும்பிலிருந்து கோவைக்கும் இந்த விமானம் வாரத்தில் செவ்வாய், வியாழன், வெள்ளி, ஞாயிறு ஆகிய நான்கு நாட்கள் இயக்கப்படும். இந்தச் சேவை வரும் ஜூலை மாதம் 15-ம் தேதி முதல் ஆரம்பமாகவுள்ளது.
ஸ்ரீலங்கன் ஏர்லைன்ஸ் விமான சேவை சேர்த்து கோவையிலிருந்து மொத்தம் மூன்று சர்வதேச விமான நிறுவனங்கள் தங்களது சேவைகளை வழங்கவுள்ளது என்பது குறிப்பிடத்தக்கது.
For English News
